في مقتل العباس عليه السلام لاح اخيالته العباس=و على الخيل قحمها او سكنه ابباب المخيم=تهلهل قامت العمها لاح ابظهر الخياله=او تهلهل قامت اسكينه او صاحت وين ابو فاضل=وين ابن الفحل وينه بسبع الخيل هاي الخيل=بوجودك تصل لينه و انته المن على مضخور=للشده او موازمها و انته الما تهاب الويد=و انته أمأدب الفرسان او يوم الكنطره لليوم=بيه اتسولف الشجعان ها بين الفحل لتكول=هاي الخيل و الميدان او راعي المرجله هاليوم=تتبين يضيغمها ما تسمع صهيل الخيل=و عداك او تواخيها او تشوف امزنط الفرسان=و امهادد مساميها تراهي اتحشمت يو تريد=ثايتكم تصل ليها و اريدك تصل ثايتها=او تعجب كل ملازمها لمن سمع نخواها=تبسم و التفت ليها او قاللها اعلى هونج عاد=يسكنه لو امن اعليها شنهي المية الف خيال=و اتكلف و هم بيها و حق عينج لسوي الطف=بحر تيار من دمها شنهي الزلم شنهي الخيل=ياهو اليوصل احدودي و آنه الكربلا مضخور=من فارس بدر عودي يسكنه الخيمتج ردي=و أمني اليوم بوجودي ثنيتج من يجاريها=او من يكدر يصل يمها يسكنه أوراس ابوج احسين= عالفرس من الكدها أبداً ما يضل حران=و بهالبيده ابددها اشحدها اليوصل الثايه=و آنه موجب ابحدها او سيفي ابراحة ايميني=او بيه جا من امحتمها الج عين تصد و تشوف=شسوّي امن اطب للحومه لاخذ ابحربهم يوم= تظل للمحشر اعلومه لذب القلب عالجنحين=و الكد على الملزومه و اجدس الخيل فوقك الخيل=و الرايات احطمها تقله ادريك اخو زينب=يوم الحرب عندك عيد و لا ترتهب بالميدان=من يثثل عليك الويد تحسب البيض بيض اخدود=و رماج السمر جانغيد تتمايل اورن الطاس=بالمرهف امنادمها لاجن يا عضيد احسين=نخوه اليوم اريد انخاك اريدن ماي من جودك=يمروي السحب من يمناك يعمي اشلون بوجودك=تتوله الشريعه اعداك او هاي اطفال اخوك احسين=من الماي تحرمها تمطه بالرجاب او قال=يسكنه او طلبتج هاي ابشري او خل تقر عينج=بعد ساعه و جيبه اوياي او حياتج لو يجي اسكندر=يسد ما دون حد الماي اجيبه ابمرهفي او روحج=يعمي الماي لا يهمها تنخّه او قالها او فرع=او طفحها اعلى خيل اعداه او صاح ابصوت تجلوهن=و آنه ابن اليحامي حماه تعال او شوف بيها اشصار=من سل مرهفه ابيمناه خضعت كل طواغيها=او سجدت كل جماجمها رفها او فرت من إيده=و هو اعلى الخيل قام ايحوم او سربه تردم ابسربه=او صمصوم يدك صمصوم غدن يتسابقن رمحه=او صمصامه اعلى روس القوم هذا يريد ينثرها=او ذاك ايريد ينظمها خلتله المشرعه او فرت=او بالبيده غدت طشار او لفت كل بيارغها=او على الكوفه وجهها صار سدر متنومس أبحربه=او نزل على المشرعه المغوار او نزل جربته ابجفه=او ترسها او على المتن زمها طلع يتبختر امن الماي=و على الخيم نواها او يرعه ابعين للجربه=او عين الحرب يرعاها عليه اتناخت او عادت=او سل سيفه او تلقاها او كام ايطشر اسربها=او عليها ايحوم و يلمها لاجن همته صارت=يوصل الماي لسكينه بعد ما يدري المقدر=امعيّن بالسهم عينه صابوا جربته او قطعوا=يساره او قطعوا ايمينه او صابوا بالعمد راسه=او تكور قمر هاشمها طاح اعلى الوطيه او صاح=يحسين اولقاه احسين شافه امقطعه اجفوفه=او راسه من العمد نصين تخوصر يم عضيده او قام=يجري الدمع على الخدين او ناداه اكسرت ظهري=او روحي اجفاك ولمها يبو فاضل يهون اعليك=وحدي السا تخليني و انته دركتي او درعي=لوايه او مرهف ايميني دقوم او شوف خيل اعداي=دارت على اصواويني او علي شرعت ذوابلها=او سلت كل صوارمها دقلي رايتك عقبك=يعباس المن انطيها او ياهو اللي يفرع الراس=و يرج الرمح بيها يخويه زينب او جلثوم=عقبك من يحاميها او هاي اخيول عدوانك=تغاور على امخيمها يعباس العذر شنهو=امن اروح الخيمة اسكينه او تناشدني يبويه احسين=جا عمي الفحل وينه أقلها امقطعه اجفوفه=او صابوا بالسهم عينه او هامة عمج العباس=يبويه العمد هاشمها يخويه اولو لقت زينب=او قالتلي يخويه احسين لفيت امن الحرب وحدك=جفيلي او قمر هاشم وين أقلها اعلى النهر نايم=أخوج امقطّع الجفين عساني اوياك اموت او لا=أصل وبجلتك اعلمها