سَاعَةْ بُطُولَهْ ابْكَرْبَلَهْ= نِبْرَاسْ كِلِّ اسْنِينِي آنَه الْلِّي ظَلِّيتْ انْتُظُرْ= يُومِ الشَّهَادَهْ ايجِينِي بِيُومِ الْوِلَادَهْ حَيدَرَهْ= يِبْچِي عَلَى چَفِينِي وَامِّ الْبَنِينِ التَّضْحِيَهْ= وِيَهْ الْلَّبَنْ تِسْقِينِي آنَه الْلِّي جَهَّزْنِي عَلِي= الْهَالْيُومْ أَنْصُرْ دِينِي أَفْدِي أَبُو سَكْنَهْ الشَّهَمْ= واخْوَانِيِ ايْعِينُونِي أَضْرُبْ عِدَاهْ ابْصَارِمِي= وَتِفْدِي أَخُوْيَهْ اعْيُونِي جَيشْ إبْنْ هِنْدِ الْمُجْرِمَه= وَرْجِالَهْ مَا هَزُّونِي ساقي عطاشى كربله= عندِ الشِّدَدْ سَمُّوني آنه الْلِّي قِلْتِ اعْلَهْ النَّهَرْ= يَا نَفْسِي هُونِي هُونِي بَعْدِ الْحُسَينِ ابْنِ النَّبِيْ= هالعِيشَهْ مَا تَهنِينِي والْمَايْ لَا ذِقْتِينَهْ= ابْطَبْعِ الْوِفَا ايْعُرْفُونِي مَالِ الْلِوَا يَا بُو الْفَضِلْ= وَانْتَ الظَّهَرْ ويْمِينِي خَلْنِي بَشِيلَكْ لِلْخِيَمْ= قَالْ اسْتَحِي ايِسِأْلُونِي والْقُرْبَهْ هَشَّمْهَا السَّهَمْ= اوخَابَتْ جَمِيعِ اظْنُونِي مَرْمِي عَلَى شَاطِي النَّهَرْ= يَا سَيِّدِي خَلُّونِي وَسَلِّمْ عَلَى آلِ النَّبِي= وَقُولِ الْهُمْ ايْعِذْرُونِي تَمَنِيتْ أوَصِّلْ قُرْبَتِي= بَسْ الْعِدَا قِتْلُونِي رَاحِلْ أَنَا يَا مُهْجَتِي= اوْفِي الْجَنَّهْ بتْلَاقُونِي