يحسين يلضحيت بالروح الأبيه وسطرت أروع ملحمة في الغاضريه أختك يروحي قائدة ما هي سبيه بتواصل الثوره وَتحطم آل اميه تخطب تواجه هالظلم تكشف المستور رايتها رفت حققت أهداف عاشور من هو المضحي ومن هو حامل راية الجور؟ زينب بخطبتها اكشفت كل القضية تخطب وتاريخ البشر ردد صداها قالت له كد كيدك وكانت في علاها مثل الجبل ما هزها ريحه ولا ثناها تتحدى طاغوت البشر زينب قوية آني اللي قدمت الحُسينْ للدين قربان وآني اللي قلت اتقبله مني يرحمن إن كان يرضيك احنا نرضى وانت منان أكرمت أخوي بالشهادة التضحوية تاج أعلى راسي والفخر هذي الشهادة هذا القتل والتضحية للعترة عادة والله اصطفانا بالقيادة والسيادة محد كفو يمحو ذكرنا في البرية أيامكم معدودة في كرسي الرئاسه وهذا الجمع يتبدد وتبگى التعاسه تاريخ اسود مظلم وأسوء سياسه هالجور يتسجل على دولة اميه زينب شموخ وعزه واستبسال وإصرار وزينب الحرة تربية حيدر الكرار وامها الزهرا وجدها طه النبي المختار وأشجارهم تثمر الثورة الزينبية لحسين قبره بكره يسحر كل لقلوب وعنده إله الكون يغفر كل لذنوب محبوب ومن ينذكر يصبح ذكره مهيوب واعداءه ليهم لعنة كل صبح ومسية يحسين كلنا نرجو توفيق الزيارة ونستظل تحت الگبة ونشوف المنارة يا خامس أصحاب الكسا ونبع الطهارة نندب وننعى كل صباح وكل مسيه نبچي وونوح ونذرف الحسرات بالعين ومن نسمع اسمك ننفجع ونصيح يحسين مو لازم المصرع نسمعه وفجعة البين اسمك فجيعه يا ذبيح الغاضريه