يـحـسـين أذكُّــر يـابـعد كــل الـعـزازه         يـخـويي لا تـنسى گطـع چبـده بـجهازه
زيــح الـطـشت ويـاه شـيعوه بـالجنازه         لـيـكـون أصـــده بــيـوم تـتـجـد عـزيـه

بـعد الـغسل لاوصـال لِـفوها بـالاچفان         والـطشت شـيله ايزيد بشوفته لاحزان
سـم الـحسن هـيج مـصايب آل عـدنان         وبـيت الـنبي الـمختار مـظلم هالمسية

سمعت نبل واسهام نشبت نعشه حيره         والـعين تبصر وايد حرمه اشگد گصيره
تـمـنت عـلي الـكرار ابـوها بـهالكسيره         لـوكـان حـاضـر مـاحـصل مـنـهم أذيـه

لــو كــان حـاضر گالـت بـنار الـمصيبه         مـاصوبوا جـسم الـحسن باسهام صيبه
والله اذا رديـــت يـــا لــيـث الـحـريـبه         مـايـوصل الـتجريح نـعش ابـن الـزچية

ونّــت يـبونا اشـلون بـعد ضـعنه ضـيعه         وضاگت علينا اخلافك ارحوب الوسيعه
مـاترضى لـو موجود وحگ امنا الوديعه         مـعـروف يـابو الـصيت حـماي الـحميه