إرهاصات مجنونه في عالم الهذيان مد ليل السهر وأغرگ أبحر الاه وشگ جنح الظلام وطلع الگمره وعاين عالسمه وتخيل المعراج والكعبه الشريفه وقبة الصخره ليش اتخاف ودموع المحنه احجار=شگ زيگ البواچي وغير النبره ومد جرحك عوافي بصحة الطيبين=واشرب للثماله اسنين مستعره وفك عين الحداثه بمجهر التكوين=وياهو البي تشك لتساوم اختبره اعبر مستحاك وشوف بره العين=لتگلي بعد متفيد هالنظره كل نظره صدق تجمع عدد وارقام=وانته بكل شموخك اوگف واقره عاشر ليل فكرك وانتبه للجاي=ما ريد بمحطه غربه تنتظره سدعين الشمس ونزع لباس الخوف=والبس من جديد لعزتك غتره وشد حيلك نطاق ابين حد الموت=واكتب للضحايا الطاحوا البشره مر بيه جرح فززني حتى الگاك=واخذ من وجودك ميت الف عبره لتظم المحنه ابين صخره وماي=متگلي العقاب شينفع بصخره حاچيني دغش واطبگ عليه الباب=واحجي اشكال صدگ اعرف الجفره علمني الصلافه بمرود النسيان=واذبح مستحايه بطارف الشفره جوعانه الموده ابين ليل وكاس=تاكلمن بعد وتهشم بصدره حركني شبر التزم انه وياك=واعلنها حقيقه وانگلب ثوره ماخذني الوزه وتيهت درب الشوف=دليني عليه امتيه العبره صار اسنين ميت ومشي بين الناس=نازع ثوب صبري ولايذ بكتره شتلم ياجرح ليل فجر محبوس=والغربه العجيبه امفتحه وتقره لترجع الماضي اسنينه رمدت عين=ماكلها التعب وبحاجة الگطره طابوگ الموده اتكسر اعله الراس=وانته اسنين صابر تنتظر فكره شم طعم الهوه مو باگوا المحصول=شمتاني بعد ولغيضك تظهره شد حيل العزيمه بأول المشوار=لتخلي اليعبرك يرتفع قدره انته اول اسم شالته عيون الگاع=وانته اول محطه بعالم البذره وانته اول حلم ما كمل نص الليل=ذبحوه للتبرك فرگوا عمره وانته اول حزن ميت وصار اسنين=ميت يركض ويركض وراه گبره