لـيش اتـخاف ودمـوع المحنه احجار         شگ زيگ الــبـواچي وغــيـر الـنـبره
ومـد جـرحك عوافي بصحة الطيبين         واشــرب لـلـثماله اسـنين مـستعره
وفـك عـين الـحداثه بـمجهر التكوين         ويـاهـو الـبي تـشك لـتساوم اخـتبره
اعـبر مـستحاك وشـوف بـره الـعين         لــتگلــي بــعــد مـتـفـيد هـالـنـظره
كـل نـظره صـدق تجمع عدد وارقام         وانـتـه بـكل شـموخك اوگف واقـره
عـاشـر لـيـل فـكـرك وانـتبه لـلجاي         مـــا ريــد بـمـحطه غـربـه تـنـتظره
سدعين الشمس ونزع لباس الخوف         والـبـس مــن جـديـد لـعـزتك غـتره
وشـد حـيلك نـطاق ابـين حد الموت         واكـتـب لـلـضحايا الـطاحوا الـبشره

مــر بـيـه جـرح فـززني حـتى الگاك         واخـذ مـن وجـودك مـيت الف عبره
لـتـظم الـمـحنه ابـين صـخره ومـاي         مــتگلـي الـعـقاب شـيـنفع بـصـخره
حـاچيني دغـش واطـبگ عـليه الباب         واحجي اشكال صدگ اعرف الجفره
عـلـمني الـصـلافه بـمـرود الـنسيان         واذبــح مـسـتحايه بـطارف الـشفره
جـوعـانه الـمـوده ابـين لـيل وكـاس         تـاكـلـمـن بــعـد وتـهـشـم بــصـدره
حـركـنـي شــبـر الـتـزم انــه ويــاك         واعـلـنـها حـقـيـقه وانگلـــب ثــوره
مـاخذني الوزه وتيهت درب الشوف         دلــيــنـي عــلـيـه امــتـيـه الــعـبـره
صـار اسنين ميت ومشي بين الناس         نــازع ثــوب صـبـري ولايــذ بـكـتره

شـتـلم يـاجـرح لـيل فـجر مـحبوس         والـغـربه الـعـجيبه امـفـتحه وتـقـره
لـترجع الـماضي اسـنينه رمدت عين         مـاكـلـها الـتـعب وبـحـاجة الگطــره
طـابوگ الـموده اتكسر اعله الراس         وانـتـه اسـنـين صـابـر تـنتظر فـكره
شـم طعم الهوه مو باگوا المحصول         شـمـتـاني بــعـد ولـغـيضك تـظـهره
شــد حـيل الـعزيمه بـأول الـمشوار         لـتـخـلي الـيـعـبرك يـرتـفـع قـــدره
انـتـه اول اسـم شـالته عـيون الگاع         وانــتـه اول مـحـطه بـعـالم الـبـذره
وانـته اول حـلم مـا كـمل نص الليل         ذبــحــوه لـلـتـبرك فـــرگوا عــمـره
وانـته اول حـزن مـيت وصار اسنين         مـيـت يـركـض ويـركـض وراه گبـره

مـيـت يـركـض ويـركـض وراه گبـره