عبدالله الرضيع (ع) يا محسن عاين أحوالي=رضيع وأنذبح عطشان ﭼان اﮔماطي أﭼفاني=و مني سلّبوا الأﭼفان يا عمي ليتك تعاين=أمي تصيح صوب حسين جف اللبن من صدري=أرَضّع هالولد من وين لو أملك دمع والله=أرضعه من جفون العين ما روّاني يا عمي=غير السهم بالدمان يامحسن ترضى يفطمني=سهم ميشوم في نحري و أنا في ﭼف أبو السجاد=ما وصل سنة عمري يا عمي تحتمل تسمع=بحالي اُويش فعل دهري حملت مصاب يا عمي=ما يتحمله انسان المحسن (ع) يا عبد الله إذا لحسين=سمع أمك و إليها ثار أنا أمي إنلطم خدها=و لا تحرك علي الكرار و اذا صدر أمك تيبّس=في صدر أمي نبت مسمار وإذا مصابك صعب حمله=مصابي يشيب الرضعان إذا أنت لمحت أمك=و ابوك و جملة الأحباب أنا ما شفت حتى أمي=وقع راسي على الأعتاب بعد ما صدري تهشّم=ويّا ضلوعها بالباب هويت من الرحم مقتول=آه بعصرة الخوان ياليتك شايفن حيدر=ياعبدلله و أمي الزهره تضج وتتألم من العصره اولو اْنك حاضِرن وياي=او تنظر امي الزهره انﭼان الموت اهون لك=من تنظر زهرة الأطهار عبدالله الرضيع (ع) يامحسن ليتك اتعاين=اخوك حسين بالعاشر عليه الدنيا ملتمّه=ولا عنده ولا ناصر غريب صار وعطشان=حاله يكسر الخاطر المحسن (ع) يوم إلي انذبحت حسين=أخويه ضمك إلصدرة وأنا حسين ينظرني=أوﮔع من حشى الزهرة بعده صغير و أتروى=على مصابي رغم صغره مصايبنا يا عبدالله=تعجز كل قلم ولسان عبدالله الرضيع (ع) يا عمي شلون اوصف لك=واعبر لك عن احساسي لما حرمله الملعون=سهمه خمّد أنفاسي ولم داي خاف الخيل=وأنا بحضن الابو راسي حال وحالته تخسف=يا عمي الفكر والوجدان يامحسن ليتك تعاين جسد=عبدالله تحت الخيل لحمي موزع بالبرور=يا عمي من النكيل ثلات أيام بالرمضا=بلا ﺘﭽفين ولا تغسيل ودمي اختلط ويا حسين=يتحامى من العدوان يا محسن اﻧﭼان حاطتكم=جماعة يوم حرق الدار احنا حاصرتنا جيوش=ما تنعد من الأشرار رضوا صدورنا بالخيل=و شبّوا في خيمنا النار و فرت الأطفال=ياعمي مع النسوان وليتك تنظر الحورا=ياعمي ما إليها كفيل تدوّر بالعرا الاْطفال=و تلفت حالي عن لعليل وياليتك تنظر الوحشة=عليها حين جن الليل تحرس خيم محروﮔه=وتعاتب على الوليان المحسن (ع) يا عبدالله حاطتني=مصايب تدمي الناظر سمعت اْبّيتنا هجمة=وأنا بالعالم الآخر وسمعت أمي البتولة تصيح=وﮔفوا ما علي ساتر وله برفسه في صدري=ولليوم الصدر وجعان