الزهراء مع المحسن (عليه السلام) للشاعر: علي إبراهيم الكرّاني (الموشح نبطي) المحسن (عليه السلام) أريد اتوسّد ابحضنﭻ ليش اتوسّد الأعتاب؟=أنا من لحمﭻ او دمّﭻ شيلي جسمي عن لتراب كفاني ابنزلتي أسمع بدال الزغردة صيحة=و لستﮕبالي مو ﭼفين حيدر جتني الطيحة يم حسين لحﮕيني ﮔبل متروح لرويحة=رضعيني و لو رضعة تبرّد ﮔلبي اللّهاب نزيف الراس يا أمي بهضني ما توﮔفينه=و صدري التهشّم اﮔبالﭻ يزهرة ما تشوفينه؟ و حنانﭻ يشفي آلامي و جسمي ما تحضنينه؟=يزهرة بالله حمليني و تركي الوﮔفة خلف الباب الزهراء (عليه السلام) نزفك يبني باوﮔفة اذا صدري وﮔف نزفه=مو بيدي يسﮕطونك بلا رحمة ولا رأفة و لو عندي جلد أصنع إلك من مهجتي لفّة=يكفي العتب يا محسن ترى ﮔلبي ابعتابك ذاب شلون عيوني بتشوفك و راسي من اللطمة دار=ودّي أحملك لكن من العصرة الجلد منهار و ﭼيفه بالصدر ترضع و نابت بالصدر مسمار؟=عتابك وجهه للوالد اذا عندك عليّه عتاب المحسن (عليه السلام) يحامي الجار دارك ﭼيف تتركها يحامي الجار؟=نار اموجّره بيها و في ﮔلب البتولة نار يا كرّار ما تنهض إلى العدوان يا كرّار=نسيت انّك بطل خيبر يبو حسين و بطل لحزاب؟ تتحمّل تشوف امي بليّا خمار تتحمّل؟=تصيح الحﮕني يا حيدر من الثاني و من الأول و ترضى يا علي منّي جنيني غصب يتنزّل؟=يليث الغاب ما تحمي عرينك و انت ليث الغاب؟