گربــي لــي يـازينب گبـل مـيفرّگ الـبين         وخـبـريني شـتـريدين ابـلّغ خـيّچ حـسين؟
عـجـلي گبــل مــا ألـفـظ انـفاس الـمنية         گولـــي مـــن اتـريـدين ابــدّي بـالـتحية؟
بـالـلي انـهشم صـدره ابـخيل الأعـوجية؟         لو باللي كسروا منها خلف الباب ضلعين؟
وصّـيني واعـتمدي يـزينب أنـي ام عبّاس         عـندي عـلامات ابـها أعـرف خـيرة الناس
نـيشان اخـوچ حـسين لا خـنصر ولا راس         وامچ عـلامـتها الـعـصابة ولـطـمة الـعـين
صـاحـت الـحـورة والـدمـع بـالـخد سـايل         أوّل تـحـيـة الـــزوم تــوصـل لـبـوفـاضل
وسـئليه چيـف اتخلي إختك دون كافل؟!!         مـتـمرمرة بـاطـفال مـدهوشة ونـساوين
يــم الـبـنين الأربـعـة فـصـلي لــه الـحال         إلـزوم يـدري الـشمر داس حـسين بنعال
والـزوم يـدري حسين راسه فوگ عسال         والــزوم يـدري الأعـوجية رضّـت حـسين
وخـبـريه عــن حـالي وعـن حـال الـيتامه         واشـلون حـرگوا مـهجتي ابـحرگة اخيامه
يـالـيت هـامـي مـنـفضخ مـن گبـل هـامه         ويـالـيت گبـلـه گطـعـوا اشـمالي ولـيمين
يــــم الـبـنـيـن الـمـعـذرة آخـــر وصــيّـة         گولــي لـه زيـنب دشّـت ابـمجلس دعـيّة
ومـاتـت عـلـى بـوها مـن الـحسرة رقـيّة         وايّـــاچ تـنـسـي هـالـوصـيّة يـــم لـبـنـين