شـوف الـرضيع الظامي         دالـــع يـعـمـي الـسـانـه
غــارت اعـيـونه ووجـهه         مــتــغــيّــرة ألــــوانـــه

يـاعـمـي احــنـا ابـظـلّك         مــا نـشـعر ابــأي غـربة
اگصــد يـعمي الـشاطي         وامــــلأ الـيـنـا الگربـــة
أقــسـم عـلـيك ابـجـدي         حــيــدر عــلـي وبـحـبـه
تــدرك أخـويـه بگطــرة         لا تـــذبـــل الــريـحـانـة

عـــمچ يـسـكنة فــارس         مــا حــد يـفـل اعـزومه
والله بــيــســراگلــيــبچ         فـي الـعصبة الـميشومة
وانـتـظر بــس الـرخصة         وانــزل يـسكنة الـحومة
وافـعل فـعل مـا يـمكن         طـــول الـدهـر نـسـيانه

انچان تــبـغـي تـحـصـل         مـن عـند ابـويه الرخصة
وتـحـمل يـعـمي جـودك         وتـخوض هـذي الـعرصة
عــجّـل تـراهـي لاحــت         يـاگمـر هـاشـم فـرصـة
مـن هـالرضيع الـظام ي         ومـن مهجتي العطشانة

ردّي الـرضـيع الـظـامي         يـاسـكـنـة لا تـذوبـيـنـي
الـعـينچ بـخوض الـعركة         ولــو صـوبـوا لـي عـيني
بـس طـلبي امن الباري         تـسـلـم إلـــي چفـيـنـي
ومـا راح ايـظل عـبدالله         دالـــع يـسـكنة الـسـانه

الــمـاي صـــح انــريـده         مــن هـالـعطش يـرويـنا
بــس انــت يـابو فـاضل         أغــلــى واعـــز اعـلـيـنا
واذا گصـــدت الـحـومـة         أرجــــوك تــرجـع لـيـنـا
مــن بـعـد ظـلّـك تـدري         تـهـجـم عـلـيـنا اعــدانـا

يــاســكـنـة تـتـرجّـيـنـي         وانـتـين أدرى ابـحالي؟!
آنـــــــه إلچ ولــــخـــيّچ         خـــادم يـبـنـت الـغـالـي
يــاتـاج راســـي فـــدوة         لچ يـمـنـتـي وشــمـالـي
والـمـوت أهــون عـندي         مـــن شـوفـتچ حـزنـانة

بــنـتـك يـخـويـه جـتـنـي         ابـطـفلك وزادت هـمـي
درخــص لــي يـابواليمة         أرويـــه لــو مــن دمــي
مـا أ گدر اسـمع واصـبر         صـيـحة اسـكـينة عـمـي
شـوف الـرضيع الظامي         دالـــع يـعـمـي الـسـانـه

خــلّــه طـفـلـنـا يـهـلـك         لا هــالــحـرم تـتـشـتّـت
تــرضـى يـخـوية بـعـدك         بـيّـه الـعـدو يـتـشمّت؟!
ويـنكسر ظـهري وگلـبي         ابـسهم الـردى يتفتّت؟!
واسـنـان يـرفـع راســي         يـاخويه فـوگ اسـنانه؟!