بالحِلِم مرَّت سوادَه … امعزّزه ابدين الحَنِيف
او عين شايف
شافت ابصدفه مُرادَه
اوكان موقاصد عيونه اتوصل الصِّدفه فؤاده
عادةِ ارهيِّف
لطيف
صادق النِّيّه او عفيف
سِرحَت اعيونه اعلا گلبه ابلاوَعي او حَرَّك لِسانَه
گال:
أي صيف او خريف؟!
عمي والله
لاشمال اولاجنوب
اولا ثگيل
اولا خفيف
والله ماكو أحلى من لِبس الدفيف

* * *
ياثبات
انتي صرخة او تِعتلي ابوجه الطغات
يانموذج فاطمة ابهاي الحياة
يايِهِمِّچ
لو تشوفين الممات
انتي أحلى ... وأحلى من كل البنات
واسأليني ، اشلون أحلى؟
انتي أحلى يالتِلبسين الحضارة
الحضارة اتناسب اعلا الأمهات

* * *
او بالحِلِم مَرَّت سواده
او مِن أشوف اعظامي تِبچي
موحضارة ... هاي زينب
تمشي ... تمشي
زينب المسبيه تمشي
راح أبوها او راحت امها
او عاشت الدنيا
يَتيمه!!
او مو هظيمه!!
زينب الحورا عظيمه بالحِلم مَرَّت سواده

هاني الجمري
20091121