أيضاً في رثاء القاسم ابن الحسن المجتبى (عليه السلام) يبدر التام يالبلكون يتلاله=اشلون ايصير إلك برج اللحد هاله آه يا بدر سعدي يا ضوه عيني=على درب إخلاف نورك من يجديني يعمي ايهون إلك عﮔبك بعد تخليني=أنوح ودمعتي الفرﮔاك سياله ربيتك يعمي وعيني ابعينك=واتنطر العرسك واحسب اسنينك تاليها يا جاسم أسمع اونينك=واشوفن دايره ابشخصك الخياله لبالي اعرسك و افرح ابزفتك=و حنّي اجفوف الاكبر يبني ابحنتك تاليها الرمل يروحتي امنصتك=و الملبس ادموع اهلك الهماله يا شماهمتي البيها الﮔلب يرتاح=يا ماي الحياة الي تبده وراح هلاهل زفتك صارت لطم و صياح=او فرح عرسك حزن و مياتم ابداله اسم الله عليك يمهذب يغصن البان=ابدال امنصتك نايم على التربان ألف وسفه على نورك يا بدر عدنان=قبل ما يتم نوره اتكور اهلاله يا سباح قلبي او يا عزيز الروح=لفراقك دمع عيني دمه مسفوح ابهالساعة يعمي على الثره مطروح=يشيب يمن ما تحصل امثاله ﮔلي اشعاجلك عالموت يمجنه=ﮔبل ما تكبر وبالعرس تتهنه يعمي الحسن عودك من ابنه=وانته وديعته وسباح دلاله شاله الخيمته ويسﭽب دمع من عينه=ﮔعد مابين شبله الاكبر وبينه نده زينب ورمله وصاح لسكينه=تعالن للعزيز وشوفن شحاله سمعنه او لفن يتصارخن يمه=او صارت ويل قلبي الجسم لمه غدت سكنه تحنّي اجفوفها ابدمه=او تحنّي يمنة العريس و شماله