راية الاسلام يا حي فالها=ترف و اطيور النصر تبرالها ما على وجه الارض راية فخر=مثل هالرايه التنور بالدهر ما تطب حومة الحرب الا الظفر=يحط جف يمناه ابجف شيالها ما ابربع الواسعه شرق او غرب=مثل هالرايه ابتجح بيها القلب و هي مثل القطب لرحاة الحرب=او يمن الخايف ابفيّ اضلالها ما على وجه الأرض صار او يصير=مثل الرايه اليعز بيها القصير و هي لمن جانت ابجف الامير=تضرب اليوث الحرب بمثالها سامع اشسوّه الوصي ابغزوة بدر=من حملها او حمل وياه النصر او يوم خيبر من حمه سوق الطبر=شتت اجموع اليهود او جالها او من فتح مكة النبي او بيها انتصر=سعد عزها او قام يعلن بالظفر صاح ابو سفيان يا سيد البشر=جنك انويت اعلى هتك اعيالها سعد ما تسمع يراغي الغانمه=ايصيح هذا اليوم يوم الملحمه صاح لاهاليوم يوم المرحمه=دونك الرايه يخير اعمالها روّح اخذها ابساع و دموعه جرن=او طب لعد مكه ابرفج يا ابا الحسن خاف لن اعيالها يتروعن=و آل اميه ابرهب يمشي اطفالها او ما يحب قلبي يطاعون الزلم=تنهتك حرة خدر يو تنهظم يبو الحمله الحرم واجب تنرحم=او يستعيبون العرب ذل حالها آه يالهادي لوَِّن عينك تشوف=آل اميه اشجازتك يوم الطفوف من بناتك سلبو كل الشفوف=عقب ذبح ابنك او ذبح ارجالها لو تشوف اشصار يا سيد الامم=حين خيل القوم لقدت علخيم طلعت امن اخدورها تعدي الحرم=او هامت ابطف كربلا و اجبالها او زينب اتحشمك او عبراتها تهل=تصرخ او نار الضماير تشتعل تعدي بين الخيل يا سيد الرسل=ابناتك الما جان يبدي اخيالها قوم شوف ابناتك اخلاف الحسين=اشسوّه بيها او عمل يا جدهن البين اتدافع السلاب قامت باليمين=او تستر النوب الوجه بشمالها