على لسان زينب تعاتب أخاها العباس عند رجوعها يا شبل حيدر يليث أكوانها=ليك زينب عودت حزنانه طاحت اعلى القبر و الدمع يهل=اتصيح يا عباس جنه اعلى الهزل جتفونا ازغار و كبار ابحبل=شمر حادينا او زجر يبرانه يعباس او ناقتي ما تنرجب=ظالعه او تعثر او مسراها صعب يعباس او لو طحت منها انضرب=او لقدر اركبها و هي عريانه و الظعن تدري يبن حامي الحمه=ايريد له وليان بيه اموزمه و آنه يا عباس موش امعلمه=اتحيرت بالظعن و بعدوانه يعباس او حثت اعدانه المسير=و الهجن كلما يضربوها تنير يعباس او لو وقع منها يسير=زجر ما يتناه او لا يتوانه يتم يبجي او يركض ابحر الهجير=او تظل عيني اعلى اليقع بس تستدير قلبي يا عباس ما تقلي اشيصير=و انه حرمه امن الهضم نحلانه يعباس او من اعاين للشمر=ينمرد قلبي يخويه او ينكسر بمشي جدام الظعينه او يفتخر=اوراس اخوك احسين فوق اسنانه يعباس او من اعاين حرمله=على الطفل روحي تظل اموجله اتصير جدامي مصايب كربله=و اذكر احسين او ذبح رضعانه يعباس او هالقهر طول الدرب=دارت اعلينه العده ابسب او ضرب هالمصايب بين جا شاف الكرب=غيري محّد شافها ابدنيانه او حين للكوفه وصل ظعن اليسر=لن اهاليها اطلعت من كل كتر بعد شحجيلك يبن فارس بدر=كلها بمصايب هلك فرحانه يعباس او بينه كلها اتشمتت=او شكرت ابن زياد و بفعله رضت عقب ما قلها علينه اتفرجت=عاد طبينه اعلى ابن مرجانه حين شاف الحرم طبت مجلسه=ترجف او منها الضماير يابسه قام يتنشد يخويه اعلى النسه=او للشماته اظهر ابكل السانه يعباس او من عقب هاي المحن=رحنه للشام او مدامعنه جرن قبل ما يوصل محاربها الظعن=طلعت اهل الشام تتلقانه يعباس او على الظعن دارت اصفوف=شايله الرايات و تدق بالدفوف ريت لنك حاضر او عينك تشوف=اشلون حال اخوتك الولهانه او حين المبشر غده ايبشر ايزيد=او شاف روس أهلك تلوح من بعيد صاح أخذت ابثار عتبه و الوليد=او برت علة الدين من ديانه صعد سطح القصر و اشرف على الوطن=او غده ايعاين من بعيد اعلى الظعن حين شاف اخواتك العينه بدن=او راس اخوك اعلى الرمح ويانه ضحك من كل خاطره او ثغره ابتسم=او برت علته او طاب جبده امن الولم صاح يالله المجلسي جيبوا الحرم=آه او طبينه لعدّ ديوانه أوقفنه جدامه و هو اعلى التخت=و ابتسم من شافنه او بيّه اتشمت رد لعد صوبي يعباس التفت=صاح زينب هاي جنها اهنانه اشطبج للشام يا زينب الحين=وين وليانج يزينب غدت وين ما تخبريني اشعمل بيهم البين=او وين صار احسينج او خوانه قتله تموا كلهم ابوادي الطفوف=ابدور جنها او حوم اعليها الخسوف انشد اهل الحرب عن ذيج السيوف=و انشد الميدان عن وليانه