شعراء أهل البيت عليهم السلام - شلون بيه

عــــدد الأبـيـات
26
عدد المشاهدات
14576
نــوع القصيدة
عامية
مــشــــاركـــة مـــن
تاريخ الإضافة
23/10/2009
وقـــت الإضــافــة
1:28 صباحاً

اشلون بيَّ لو قرب مني الأجل =و أخذ سمعي الموت والساني انثجل ظلَّت اعيوني تدير اعلى الأهل =تشوفها اتهل الدمع لمصابي اشلون بي النفس لو مني خمد =او مني ملك الموت أخذ روحي او صعد او للمغيسل طلّعوا مني الجسد =او قام المغسل ايجرد اثيابي اشلون بي ابكفن لو لفوني =للقبر عقب الغسل شالوني او نزلوني ابحفرتي او واروني =او قام حفّاري يهيل اترابي اشلون بي لو مسيت ابحفرتي =دار غربة او ويل حالة الغربتي لا عمل وياي و يرد وحشتي =و ابعدت عني هلي و أحبابي اشلون بي لو ضغط جسمي القبر =او قام من خشمي حليب أمي يدر اشلون حالي امن اوقف بيوم الحشر =او ياخذ المعبود باستجوابي اشلون منكر لو لفاني للقبر =او قام ينشد بيش قضيت العمر شنهو ذاك الوقت من عنده العذر =و شنهو عن ذيك المعاصي اجوابي اشلون بي امن انفرد بَعمالي =و الذنوب اتصير كلها اقبالي و ادري منكر ما يروف ابحالي =و لا ابحكم الله عليَّ ايحابي اشلون بيَّ امن اوقف بيوم الحساب =شايل اذنوبي او جدَّامي الكتاب شنهو عذري او شنطي للباري جواب =من يعاتبني او يزيد اعتابي اشلون بي امن التفت يسرى او يمين =ابيوم هوله ايشيب من عنده الجنين مال ما ينفع و لا تنفع بنين =او لا ندم ينفع و اعضَّ ابنابي ما يظل عندي وسيلة و لا أمل =غير حب المرتضى خير العمل حاشا لنّه ايعفيني ابذاك المحل =و انوخ ابوادي حماه ركابي و اصد للمحشر و أعاين للحسين =موكب اينادي شفيع المذنبين شيعتي اغفر يا اله العالمين =ابجاه دمي المنَّه صار اخضابي مهيت لجلك يا الهي بالشمل=حتى يا معبود عبد الله الطفل او راحت اعيالي سبايا اعلى الهزل =عقب ذبح أهلي او حرق أطنابي اشريت منَّك شيعتي ابدم رقبتي =حتى تغفر بالقيامة الشيعتي شوف حالي او شوف حالة كبدتي =صوبوني او طحت امنِ اصوابي
Testing