زينب تخاطب أخاها (عليه السّلام) : ينايم على الغبرة تنبّه=وين الحميّة والمحبّه عزيزك ينادي قوم لبّه=ترضى العدو بعدك يضربه اُومن خيمته جاله يسحبه=اُوكل من لفى منهم يسبه ياهو القطع راسك اُوحزّه=الله اُولحد ياذيك حزه اهتز العرش في فرد هزه=لتلومني شعري لجزه سليت والمصايب ما سلني=شاقول لو واحد سألني عزيزة واخويه اِحسين ذلني=اُو غابت هلي بالطفِّ عنّي واخطوب الليالي ألمني=يخويه زجر بعدك محني ساعات يا خويه يسبني=اُونوب يبعد الراس عنّي اُونوب يجيبه ابقرب مني=اُو نوح اليتامى ما يوني يونون واني ما اُوني=وانكان يالوالي تودني ويّاك وسط اللحد خذني لا اتلومني لو بكت عيناي=ابكي لضربي اُو نزعة ارداي وابكي على ضيعة يتاماي=ولياي ذبحوهم على الماي واني اتمرمرت خويه ابدنياي=فقيده اهل سبعين عداي ولا لي بقي يا خوي حماي=يخويه اهدموا سوري وملفاي واحريمكم هلفتت احشاي=باخبرك يخويه بعد اي خدوا اِرداي يابن اُمّي خدوا ارداي أهلنا بطوا واحنا ابشده=اُو قلب العدو ما به مودّه لو انه علم حيدر ابلحده=لطر اللحد اُوجانا ابهده اُو ينظر عزيزة بين العدى=اُو زينب أسيرة مالها اردا يحسين اخويه يا مفدى=ترضى ابذلي بين اعدا وادخولي المجلس بلا اردا ينايم عسى النومة هنيّه=سالم عسى من كُل اَذيّه توعى اُودير الطرف ليّه=سيبتني بين الرعيّه حرمة اُو غريبة واجنبيّه=ولا شوف من يلتفت ليّه يحسين شطت بي المطيّه=ولالي من الشامات جيّه الله يفرسان الضريّه=عليكم تمر بيّه المطيّه ولا حد يمر منهم عليّه=متدرون أنا باكبر أذيّه لحتّى لو اني أجنبيّه=لتأخذكم الغيرة عليّه خافوا من الله يا اُميّة=تسمون زينب خارجيّه ينايم على الغبرا توعى=اُوعاين خواتك كيف تنعى اُو زين العباد ايهل دمعه=اُو شمر الخنا بالسوط ايوجعه يا طارشي انهض ابسرعه=بوصيك واجوابي تسمعه إنصى بني هاشم ابسرعه=قلهم جرت بالطفِّ وقعه اِحسين انذبح والآل صرعى=والحرم فوق اجمال تنهى واِحسينكم ماليه رجعه