(الـــــــــــــــــهـــــــــــــــــجــــــــــــــــري)
حـسين لـلتضحيه اتـطوّع مو أمر حتمي انفرض
ومـصرعه بـعالم الـعلوي گبـاله عـاللوح انعرض
حـسـين يـلهج بـالشهاده مـن گبـل آدم وشـيث
هــذا مــو أمــر اعـتـباطي لا ولا خـدعة حـديث
الـباري ناداه من تشوف الدين باسمك يستغيث
ضـحي يـحسين بوجودك لو شفت امره امتعض
مـثل مـا واعـده الـباري لأبـو الـيمه بعينه شاف
مـمـتعض ديـنـه ويـحس بـمنهجه صـار اخـتلاف
والإسـلام أصـبح غـريب إبّـين ثُـله مـن الاجلاف
اخـذ گلـب الـدين بـيده حـسين ويـجس الـنبض
حسين من شاف بحياته انخذل دين الله الحنيف
ومـوقـفه ابـيـن آل امـيـه تـغيّر وأصـبح ضـعيف
لـلـرمـاح ولـلـسيوف تـقـدّم بـنـحره الـشـريف
وانـرصد بـرج الـشهاده وجـفنه عالذل ما غمض
حـسين مـن مكه الشريفه رصد برج التضحيات
وعــرف مـن يـسيل دمـه يـصير مـشعل لـلأباة
ثــار مـن أجـل الـعقيده وأبـد مـا سـاوم طـغاة
قــدّمـوا زيـنـة الـدنـيه لـقـائد الـثـوره ورفــض
رفــض كــل الـمـغريات ويــدري لـو بـايع يـزيد
يـصير أمـر الـدين قـصه ومـصحف الباري نشيد
لچن ثــار لأجــل ديـنـه وشـيّـده بگطــع الـوريد
عـاهـد يـضـحي بـوجوده لـدينه وأبـداً مـا نـقض
لـون مـا ثـورة حـسين الـدين چان أمـره انتهى
وثـورتـه مـا چان صـارت مـدرسه لأهـل الـنهى
حـسـين واحــد مـالـه ثـانـي ولا شـبـيه يـشابهه
والـيـريد يـخـوض نـهـجه يـدفـع الـمنحر عـوض
بـكل عـصر تگدر تـسير بـنهج أبـو اليمه الشهيد
طـالما كـل عـصر يـملك شخص من زمرة يزيد
والـيـريـد يـعـيـش بـالـعـز لا يــمـد لـلـذله ايــد
والـمـلك إيـمـان صـافـي مـن أبـو الـيمه اتّـعظ
حـسين حـصّل عالشهاده وطاح بالمصرع جريح
وبـالـمباهل صـار أعـظم مـن اسـماعيل الـذبيح
اشـما يـطول الـعمر يـبگه دم أبـو الـيمه يـسيح
وشــرّف الـعـالم الـعلوي ابـنهضت لـمن نـهض
دمـــــــــــــــــــــشــــــــــــــــــــق 1980 م