العقيلة عند دخولها الكوفة لاحت الكوفه ونار حزني اسعرت بيّه=دار الخلافه الوالدي حلو السّجيّه هذي الكوفه جنها بيها ترفرف اعلام=دار المعزّه ابعهد ابونا كهف لَيتام سلطنه و دوله و انطوت من جور لَيّام=ما ظنّتي اتعود لَوطار الأوليّه بالأمس خدري و منزلي ابقصر الأماره=وكل يوم ابويه ابحجرتي تسطع أنواره و الخلق تتوسّل يطلبون الزّياره=وشخصي أبد محّد كفوا ينظر الفيّه و اخوان عندي اسباتعش توقف اقبالي=فرسان و آنا امخدّره و الرّاس عالي و الخلق تتحدّث ابناموسي و جلالي=واليوم اطب حسره وساتر ما عليّه خلّو اظعوني بالفضا و انا اتركوني=مَقْدر أطب حسره واهلها يعرفوني قبل الهضم و الضّيم يا ليت ادفنوني=وياليت ظعني لامشى امن الغاضريّه مَقدر يخلق الله على دخلة الكوفه=و قصر الإماره بعد ابويه اشلون أشوفه بالأمس كعبه و الخلق كلها اتطوفه=واليوم بيه ابن الرّجس ضنوة سميّه رِدِّ الهَوَازل يا زَجر قلبي ترى ذاب=مَقْدَر أطبّ و انظر منازل داحي الباب مقدر أعاين مسْجده وانظر المحراب=أذكر زمان المرتضى و زينة حجيّه صاحت يَبو محمَّد ابدخلك مستجيره=جان ادخلوني بلا ستر و الله كسيره منها طلَعت امخدّره و ارجع يسيره=بلكت يسمّوني ابظلمهم خارجيّه قلها يعمّه الأمر ما يحصل على اهواي=لو طاح بيدي ما مشيت ابولية اعداي و هذي السّلاسل حزّت اشمالي و يمناي=صبري على ضيم الدّهر عمّه اشبديّه