لاحـت الـكوفه ونـار حـزني اسعرت بيّه         دار الـخـلافـه الــوالـدي حـلـو الـسّـجيّه

هـذي الـكوفه جـنها بـيها تـرفرف اعلام         دار الـمـعزّه ابـعـهد ابـونـا كـهـف لَـيتام
سـلطنه و دولـه و انطوت من جور لَيّام         مـــا ظـنّـتـي اتــعـود لَــوطـار الأولــيّـه

بـالأمس خـدري و منزلي ابقصر الأماره         وكـل يـوم ابويه ابحجرتي تسطع أنواره
و الـخـلـق تـتـوسّـل يـطـلـبون الـزّيـاره         وشـخـصي أبـد مـحّد كـفوا يـنظر الـفيّه

و اخـوان عـندي اسباتعش توقف اقبالي         فـرسان و آنـا امـخدّره و الـرّاس عـالي
و الـخـلق تـتـحدّث ابـناموسي و جـلالي         والـيـوم اطـب حـسره وسـاتر مـا عـليّه

خـلّـو اظـعـوني بـالـفضا و انـا اتـركوني         مَـقْـدر أطــب حـسره واهـلها يـعرفوني
قـبل الـهضم و الـضّيم يـا لـيت ادفنوني         ويـاليت ظـعني لامـشى امـن الـغاضريّه

مَـقـدر يـخـلق الله عـلى دخـلة الـكوفه         و قـصر الإماره بعد ابويه اشلون أشوفه
بـالأمـس كـعـبه و الـخلق كـلها اتـطوفه         والـيوم بـيه ابـن الـرّجس ضـنوة سـميّه

رِدِّ الـهَـوَازل يــا زَجــر قـلبي تـرى ذاب         مَـقْدَر أطـبّ و انظر منازل داحي الباب
مـقدر أعـاين مـسْجده وانـظر المحراب         أذكــر زمــان الـمـرتضى و زيـنة حـجيّه

صـاحـت يَـبو مـحمَّد ابـدخلك مـستجيره         جـان ادخـلوني بـلا سـتر و الله كـسيره
مـنـها طـلَـعت امـخدّره و ارجـع يـسيره         بـلـكـت يـسـمّـوني ابـظـلمهم خـارجـيّه

قـلها يـعمّه الأمـر ما يحصل على اهواي         لـو طـاح بـيدي مـا مشيت ابولية اعداي
و هذي السّلاسل حزّت اشمالي و يمناي         صـبري عـلى ضـيم الـدّهر عـمّه اشبديّه

صـبري عـلى ضـيم الـدّهر عـمّه اشبديّه