بِلَكْبرْ اوبِلْقاسمْ أجَاهدْ
جُنودِي على العدوِّ الحَاقدْ
ثورةِ الشُجعانْ. تُنصرِ الإيمانْ.


يا علي لَكْبرْ يَمَحْبُوبِيْ
رَايِتَكْ رَفَّتْ عَلَى ادْرُوبِيْ
يَا يَمِيني وَسَيفِي فِي احْرُوبِيْ
أنَا ابْفَگّدَكْ زَادَتْ اكْرُوبِيْ

إنْتَهْ نُورِي اوْشَمْعَةْ آمَالِيْ
وإنْتَهْ رُوحِيْ اوْقَلُبِيِّ الغَالِيْ
يَا حَبِيبِي اوْقُدوَة أبْطَالِي
يا نَصِيري اوْقمَّة اجْبَالِي

شَمعةِ الشُبانْ. يَا قُمَرْ عَدْنانْ

فِي المَعَارِكْ مَا يِهَابِ المُوتْ
ولا جَيشِ اوْعَسْكَرِ الطَاغُوتْ
صُوتَهْ دَوَّى اوينْعَرَفْ هالصُّوتْ
كَتَبْ مَجْدَهْ ابْصَخَرْ مَنحُوتْ

فَجَعْ الحُسَينْ اوَاحْبابهْ
لَكْبَرْ اوْمَا أعْظمِ امْصَابهْ
فَتَحْ لِلجَنَّات أبَوابَهْ
وُبِيمِينهْ يَنعَطَى اكْتابَهْ

يَسْكنْ في لِجْنَانْ .
يِرزقَهْ الرحمنْ

فِيه جَمالِ المصطفى امْحمدْ
والشجاعهْ امنِ الأبو والجدْ
وهيبةِ العَمِ لحسنْ لمجدْ
بِالكَمالِ الهَاشِمِي اتجَسَدْ
٣
نورَهْ مِنْ نُورِ النبي اتْوَقَدْ
وجهه يشبه النَّبي أحمدْ
اومن صفاتهْ لَكْبرِ تزوَّدْ
اوصَارْ في دَربِ الهُدَى امْسدَدْ

يَبتَغي الرِّضوانْ. عاشقِ القرآنْ