گبر عباس طين من مطرها=گبل ماتوجسه وتومي بظهرها علاقه وتنفهم مابين لثنين=لذلك سكتت ولزمت صبرها كفايه تقول اسمه بغير كلمات=واخوها يفتهم وجهة نظرها لسان اجفونها ايغزر بلعتاب=وبليغ ادموعها الونات اجرها من العينين گالت له:  الوعد وين=ومن الجفين جاوبها، بخبرها وشوف تغيرت من روحۃ الشام=ولا جنها الي عمره من عمرها قبل مفرگها بين البيض والسود=وبعد الشام شيب كل شعرها كأنها الروحه لمن شافت الشيب=تفزز بالجسد داخل گبرها ابو الغيره بهالاشيه نعرف فزاع=ومثل هذي المواقف ينتظرها اذا تأذت خواته يجيها حشّام=بحيث الوحده تفضي الي بصدرها ولا تحتار بأمر وعدها عباس=رحل وتحيرت زينب بأمرها