نزلت علينا اسهام گطعت لطم لصدور=واشتعلت النيران ياعباس معذور اتمنيت تمطر غيرتك وتطفي لخيام=من لمحت عيوني بحريق الخندق ايتام لا يابن ابويه اشأخرك هالوكت اتنام=وبهالفيافي اولاد مسلم فرت اذعور أضمد المحروگ لو اطلع للثنين=متواعده اوياكم ألمهم والوعد دين حيره بعدكم يخوتي عباس وحسين=هجّت من ايدينيي يتاماكم بلبرور بس من گبل ساعات حفتوني بحميّه=هالساعة ماجيتون لخيمكم خليه لا يابن ابويه ولا يابن امي الزچيه=متعوده فزاعين ماعليكم اگصور وفّاي دگيت السدر ماجيت هالساع=ضجت نساوينك وأخاف اتطيح اگناع مو جافي طبعك أعرفك ياحلو لطباع=مهتوكه طيّات الخِبه وتتصارخ اخدور بالخيمه مطروحين موته بدور واقمار=كل ثكله وچوبت عالولد لا تحرگه النار ماعدها گوّه اتشيل ابنها وحيره تحتار=هد الركن منها الحشاشه وطيح السور