في ذكرى يوم الأربعين المقطع الأول بظعنها عوّدت زينب = لطف النايبة تنحب إجت والعبرة يا ويلي = على جمر الحزن تنصَب إجت ومحمّلة بالهم = كسيرة بخاطر امعذب ووصلت كربله بهمها = وحزنها بالصدر يلهب ونادت بالعليل اللي = دفن كل العشيرة وصَب عليهم من دمع عينه = دِمه وخله الثرى مخضّب يريحة أهلي يسنادي = إلى قبر الولي اتقرّب أريدن ألثمن جسمه = إلتركته بالثرى مترّب يضنوة بو علي = يباقي كل هلي .. قبر الولي وينه أريدن القبر = أشوفه وأعتفر .. بترابه محزونة اصبن دمعتي= على قبور اخوتي .. إلعافوني بالمحنة غريبة وذاهلة = وعندي عايلة .. ولا خيمة تجمعنه أريد أروي الخبر= وعن أحوال السفر .. أروي له كل همنه أريد أشرح ألم = في صدري منلچم .. وينه عزيز أمنه يشبل الغالي يالغالي = على قبر الولي دلني ابوداعه ناري مضرومة = أني المحزونة تعرفني يعمّه نادى بحزانه=سؤالچ عنه ذوبني ومثل ما يفجع اوداعه = يعمّه قبره يفجعني من أذكر يوم أنه احضرته = وجسمه بدمّه متحنّي أكفنه ابذاري ترابه = وأدفنه بس جسد محني المقطع الثاني على قبر الولي نزلت = ومدامعها عليه هلّت بچت زينب على قبره = وعلى امصابه ابألم أنّت تقول اسمعني يا خويه = حرمكم بالحزن ردّت بعد عزها يضي عيني = ذليلة ، وعزتي انذلّت وخدري إلجان إله هيبة = بوجود الكافل إلحفّت حوالينه بني هاشم = وراية عزي لو رفّت يخويه والله من بعدك = عداكم هالخدر هتكت ولا هابت من الباري = وحرقت للخدر حرقت بعد ذاك الخدر= دلالي والستر .. يا خويه مسبيّة بعد عزّ البطل = كفيلي بو الفضل .. اركب على امطية هزيلة وناحلة = وتسير القافلة .. والدمعة مدمية واشوفن القمر = على شاطي النهر .. والجثة مرمية تجول ابخاطري= وتطوف ابناظري .. منّ الأبو اوصية وديعة فاطمة = تظل امكرمة .. وبالهيبة محمية ومشيت ابحسرة وبلوعة = وكفيلي إيده مچتوفه وعليه الجامعة انحطّت = يريتك تحضر اتشوفه وعلى الهزّل يبو فاضل = ظعنكم راح إلى الكوفة وتدري بحالة الكوفة = ابغدرها والله معروفه عجيبة من بعد خدري = بوسط أسواق ومكشوفه ولا چنه النبي جدي = وهيبة خدري موصوفة المقطع الثالث مشينه يا أبو الغيرة = من الكوفة بحدي الأرجاس مشينه وحادي الناقة = زجر وسفه بعد عبّاس ذليلة وحالتي صعبة = ولا چني أعز الناس وقدّام الظعن يسطع = على سنان الرماح الراس ودخلنه في أراضي الشام = وعلينه زمرة الخنّاس إجت تتفرج اعلينه = وبقت لينه المهانة إلباس ودخلنا مجلس الطاغي = وصبحنا لليسر مقياس وجابوا طشت لمذهّب = ولراسك كسّر الأضراس وبعد عندي خبر= عن أهوال السفر .. ما أنسه آلامه رقية ابنيتك= عزيزة مهجتك .. يا تاج الإمامة تصيح وتنتخي= في وينك بوعلي .. والدمعة تتهامه وتناشدني بألم= في وينه بو الشيم .. وحشتني أيامه فقدت آنه النظر = ودليلي منفطر .. من دهري وأسهامه أريدن عزتي= أبويه واخوتي .. خل أرفع الهامة يخوية وهالعدو الحاقد = سمعها عنك اتناشد أمر من خُبثه للعسكر = طشت راسك إله تشاهد وبس عرفت كريمك في = طشت صاحت على الوالد وبقت تبچي على فقدك = وتحن حنّة قلب فاقد وماتت بنتك ابحسرة =بخرابة ابديرة الجاحد يبو اليمّة ودفناها = ولا جت والظعن عايد المقطع الرابع يزاير قبر أبو الأكبر = وعلى باب الولي نازل وصيّة من قلب شاجر = لهيبة ابدمعك الهاطل يزاير قبّل أعتابه = وعنّي زور أبو فاضل عضيد حسين أبو اليمّه = وحامي العيلة والكافل وتذكر إنك بروضة = وإلك بالروضة ما تامل وأرض الحسين أبو سكينه = جسر للجنة لك شايل أنشدك بالله يا زاير = دعائك خلّه يتواصل وتذكّرني إذا تدعي = الإله الغافر العادل لأن ابقبته= الزاير دعوته .. مقبولة مقبولة ولأن هالدعا = الباري يسمعه .. ويعطيك مأموله اوتربة كربله = شفاء إلكل بله .. وبحماية مشمولة يزاير ردده = دعائك وأنشده .. وامرادك تنوله يقطعة من جنان الله = إلچ قلبي يحن دايم يحن لزيارة المظلوم = أبو سكينه وقمر هاشم ولا يهدأ أبد شوقي = وشوقي تعرفه الوادم يربي حقق امرادي = بحبيبك سيدي الخاتم وزيارة سيدي بالطف = أنول ابجاه أبو القاسم ويربي للأبد خلني = إلى المظلوم أظل خادم