زهراء .. فاطمة .. في العمر بسمة الروح فاطمة .. للحشر بلسم جروح بطلي ونينﭻ شلع ﮔللبي هالونين=سكني افادي و نشفي دمعة العين ﮔوه يا زهراء و جلد لفراﮒ مالي=مَقدر أتصور يضل البيت خالي بعدي ما نشفت على الهادي دموعي=و بالي بعده ما هدا و ما سكن روعي جاوبت ماشوف يا حيدر سلامه=الله الله بعد موتي بهاليتامى و أﮔبللت زينب على الزهراء تنوح بعد روحﭻ ما تظل في جسمي روح و الحسن و حسين و المدمع سفوح و حيدر افاده من عيونه يلوح تنظر اليهم نظرة البارﮒ=على احبابه و تنادي بحسرة بويه نحلني فﮕده و ذوبني=غيابه و خلا الﮕللب جمرة و اليوم آني صرت يَحبابي=على بابه و ضلوعي مستعره و الشوفته هالموت لا خافه=و لا هابه ودوني يَم ﮔبره يَم الحسن بطلي الونين و جاوبيني شوفي أولادﭺ بالبواﭼي مذوبيني ﮔالت يَحيدر فرﮔوا بينك و بيني بوداعة الله مسافره عنك يَبو حسين و احنت عليها الحورة مَفجوعه=و محزونه و مد الحسن باعه و حسين ضمها و قبلت نحره=اليﮕطعونه و افاده و أضلاعه ﭼني أشوفك يَالولد مابين الرماح زينب وحيده و تصفج الراحٍ على راح و تصيح وينه سوري الي تهدم و طاح و انته ﮔطيع الراس و دمومك جريه و زينب .. باليتامى ذهوله وحيده .. بلا ولي تلتجي له بوداعة الله و هالله هالله في يتاماي=ودعتك الله يا ذبيحٍ مَحسبه بماي يَمﮕطع الأوصال لو يحصل على هواي=ما فارﮔت عينك يَبو النفس الأبيه عليله .. مبتليه بزماني أﮔاسي .. كل حياتي و أعاني أبﭽي على المسموم من غدر الدعية=و أبﭽي على الي ينذبح في الغاضرية و أبﭽي على زينب يودوها هديه=و أنصب اليهم في وسط ﮔبري عزية