عــــدد الأبـيـات
25
عدد المشاهدات
2453
تاريخ الإضافة
08/09/2010
وقـــت الإضــافــة
9:48 مساءً
هوّه ايريد منّك .. وانته اتريد منّه
نـــار اتــريـد لـــو رايـــد الـجـنّه
هــذا احـسـين أعـرضلك صـفاته وانـثـرلـك درر مــن بـحـر ذاتــه
عـزّه او شيمته او عزمه او ثباته تـرسـمـلـك مــعـالـم تـضـحـياته
ابــهـاي الــروح تــوّج مـعـطياته مـن طـب كربله او ضحّه ابحياته
ضـحّـه ابـكل كـيانه الـدين جـدّه رادك تــلـتـزم وتــصــون حـــدّه
هوّه ايريد منّك .. وانته اتريد منّه
نـــار اتــريـد لـــو رايـــد الـجـنّه
هــذا احـسـين يـالـتعرف مـقامه انـقـل صـورتـه ابـأرض الـكرامه
راد ايـصـلّـي وابـحـين الاءقـامـه شـــاف الاجـــل بـانـتله عـلامـه
يـدري الاجـل مـا تـخطي سهامه لاچن غــايـتـه اتــوضّـح مــرامـه
رادك لـحـظه مــا تـنسه صـلاتك حـتّـه لــو تـكـلفك كــل حـيـاتك
هوّه ايريد منّك .. وانته اتريد منّه
نـــار اتــريـد لـــو رايـــد الـجـنّه
هــذا احـسـين أرسـمـلك اءبـائه واعـرضـلك شـموخه او كـبريائه
سـاحات الـشرف تـعرف عطائه او تعرف عِفّته او طهره او نقائه
مــحـزوز الـنـحر تـنـزف دمـائـه او عـينه بگت مـشبوحه الـنسائه
لاخــر لـحظه مـا غـمّضت عـينه ظـلّـت تـحـرس اعـياله او بـنينه
هوّه ايريد منّك .. وانته اتريد منّه
نـــار اتــريـد لـــو رايـــد الـجـنّه
هـذا احسين ياللّي اعرفت قدره انـظـرله ابـاءبه او دقّـق الـنظره
بـالـطف مـا وگع ضـنوة الـزهره لاچنّـــه ركـــع يــغـرس الـبـذره
او هـالبذره احملت عنصر الثوره او لازم تـنـسگي بـدمـوم نـحـره
لـتـنظره جـسـد بـارض الـكرامه راســه الـمـرتفع جـسّـد مـقامه
هوّه ايريد منّك .. وانته اتريد منّه
نـــار اتــريـد لـــو رايـــد الـجـنّه
او شـان الـيوصل الـنقطة كماله يـحـضـه ابـمـقـربة ربّـــه تـعـاله
مـثل الـهادي مـن كِملت خصاله عــرّج يــم عـرش ربّـه او دنـاله
او راس احسين رمح الغدر شاله لـتـسـمّيه گمــر وتـحـيطه هـالـه
لا مــو گمــر طـالـع مـن بـروجه هــذا الـمصطفه ابـحالة عـروجه
هوّه ايريد منّك .. وانته اتريد منّه
نـــار اتــريـد لـــو رايـــد الـجـنّه
لـجل احـسين لو وسّمت صدرك اعـــرف غـايـتـه يـرتـفع قــدرك
دمــع او لـطـم مـينفعك يـضرك لــومـا تـحـسم ابـدنـياك أمــرك
اتـريد احسين بالمحشر يحضرك ايـريـدك تـفـني لـلمعبود عـمرك
اءنـته اتـريد مـن عـنده الشفاعه هــوّه ايــرد مـن عـندك الـطّاعه
هوّه ايريد منّك .. وانته اتريد منّه
نـــار اتــريـد لـــو رايـــد الـجـنّه