هذا احسين شنهو تعرف عنّه=نار اتريد لو رايد الجنّه هوّه ايريد منّك .. وانته اتريد منّه نار اتريد لو رايد الجنّه هذا احسين أعرضلك صفاته=وانثرلك درر من بحر ذاته عزّه او شيمته او عزمه او ثباته=ترسملك معالم تضحياته ابهاي الروح توّج معطياته=من طب كربله او ضحّه ابحياته ضحّه ابكل كيانه الدين جدّه=رادك تلتزم وتصون حدّه هوّه ايريد منّك .. وانته اتريد منّه نار اتريد لو رايد الجنّه هذا احسين يالتعرف مقامه=انقل صورته ابأرض الكرامه راد ايصلّي وابحين الاءقامه=شاف الاجل بانتله علامه يدري الاجل ما تخطي سهامه=لاچن غايته اتوضّح مرامه رادك لحظه ما تنسه صلاتك=حتّه لو تكلفك كل حياتك هوّه ايريد منّك .. وانته اتريد منّه نار اتريد لو رايد الجنّه هذا احسين أرسملك اءبائه=واعرضلك شموخه او كبريائه ساحات الشرف تعرف عطائه=او تعرف عِفّته او طهره او نقائه محزوز النحر تنزف دمائه=او عينه بگت مشبوحه النسائه لاخر لحظه ما غمّضت عينه=ظلّت تحرس اعياله او بنينه هوّه ايريد منّك .. وانته اتريد منّه نار اتريد لو رايد الجنّه هذا احسين ياللّي اعرفت قدره=انظرله اباءبه او دقّق النظره بالطف ما وگع ضنوة الزهره=لاچنّه ركع يغرس البذره او هالبذره احملت عنصر الثوره=او لازم تنسگي بدموم نحره لتنظره جسد بارض الكرامه=راسه المرتفع جسّد مقامه هوّه ايريد منّك .. وانته اتريد منّه نار اتريد لو رايد الجنّه او شان اليوصل النقطة كماله=يحضه ابمقربة ربّه تعاله مثل الهادي من كِملت خصاله=عرّج يم عرش ربّه او دناله او راس احسين رمح الغدر شاله=لتسمّيه گمر وتحيطه هاله لا مو گمر طالع من بروجه=هذا المصطفه ابحالة عروجه هوّه ايريد منّك .. وانته اتريد منّه نار اتريد لو رايد الجنّه لجل احسين لو وسّمت صدرك=اعرف غايته يرتفع قدرك دمع او لطم مينفعك يضرك= لوما تحسم ابدنياك أمرك اتريد احسين بالمحشر يحضرك=ايريدك تفني للمعبود عمرك اءنته اتريد من عنده الشفاعه=هوّه ايرد من عندك الطّاعه هوّه ايريد منّك .. وانته اتريد منّه نار اتريد لو رايد الجنّه