الفقرة الثالثة سلامٌ يا أبا الشيب الخضيبِ سلامٌ يا أبا الخد التريبِ حسين .. حسين رِجع مُهرك من سنينه=يلف الدنيا بالمقتل و من لحظتنا للعاشر=رجعنا بطيحتك نِصهل يَحسين بضِمايرنا .. صِحنا بيك آمنا .. لا صيحة عواطِف هاي=لا فِكرة و مجرد راي هذي من مبادئنا .. وصلنا و الحِزن بعده=يجر أذياله للمصرع و كِل ما وسع حدوده=صبرنا جرحك توسع و على التل تِزاحمنا .. و بالهفه تِراكمنا .. أرواح و مُهج و ﮔللوب=بالحسرة نِشِﮓ جيوب و نموت بكثر همنا .. إذا حي إنته يَحسين=بعجل إنهض إلينا ترى المحنة دَهتنا=بغصص هِجمت علينا يتامى أيامى=على ﮔللبك نهون شيداويك و نِرويك=بدمعنا بالعيون يا عطشان يا محروم .. يا مذبوح يا مظلوم .. إلك ونينا بس من=سمعناك إنته ونيت من الي يحن علينا=إذا ما ﮔمت و حنيت يالجروح يا مذبوح=مشاعرنا تِنحب بالبرور أسى ندور=و تجمعنا زينب و زينب في حيرة .. بهضمها كسيره .. أسف يَحسين آه يا نور العين=علينا فاتت النُصرة و بﮕى علينا يالولي نِبﭽي=و نصب العبرة عالعبرة أسف و الروح وِدها يالمذبوح=يفتها الموت ألف مرة و كل ﮔطرة تجري بالطوفان=و لا تنصب إلك ﮔطرة عن الغبرة وسفه ما شلناك يَجسم حسين لا ولا غسلناك و لو وِدنا نِنجدل وياك و تغسلنا يالولي بدماك تِسلبنا و بالألم ذِبنا=و علينا بعدك الهم دار نِفر لاوين من بعد الحسين=بندمنا و الوجع و النار نِروح شلون يا نظر العيون=في وِليت هَلعدى الأشرار و نِظل بعدك نبﭽي عالبعدك=و تبﭽي علينا الأقدار ترى الدنيا تصعب بلياك نِضِج يا ريت مِتنا من فرﮔاك و لا عِشنا لحظة بين عداك يا تاركنا و إحنا في ذكراك