يا بو الحجه اجينا انبايعك=انته متبوع واحنه التابعك گبرك تهدم والكون اظلم=لكن الروح بگت ويالجسد ياسليل الحق يابن المصطفى=حبنه عن ايمان مو عن عاطفه نبقى حتى الموت نعلن الوفى=مانهاب اجيوش او كثرت عدد يابو الحجه نعاهدك ابوصال=مانعوفك رغم حقد اوظلال صبح طعم الموت لجلك كالزلال=حبك ابدمنا يسري وماجمد ضلت اعداك حزينه وحايره=لمن اتشوف حشود الزائره اتزور گبرك وگبور الطاهره=عافت الدنيا وفازت بالسعد الگبه طاحت وصارت في العلا=مثل ماطاح الشهيد ابكربلا هزت الظالم وعرشه زلزلا=خاب ضنه وفاز المعتقد هذي سامره وبيها الأضرحه=للظلم والجور صارت فاضحه هالطريق امن السقيفه اشيصلحه=غير مهدينا اوعليه المعتمد يثار ابسيفه الى ضلع البتول=وياخذ الحق الى جده الرسول واللي حرف الوصيه والأصول=واللي حارب الوصي وحگه جحد احنا متمسكين اباهل العبا=ابحبنا للآل ننال المرتبه فازت اشياع وخسرت ناصبه=ابحبل مغلولين صايرمن مسد