يحسين عاهدناك=يحسين بايعناك من المهد .. هذا العهد=يحسين بايعناك صوت من عمق الضماير=مو لفظ فوق اللسان صحنه ما نخلف عهدنه=اشما كصه اويانه الزمان احسين يالنهجك سفينه=ورست بشطوط الأمان حبك اليسري ابدمانه=بالحشر أكبر ضمان مصباح الهده وجهك الوضاح=و حبك بالكلوب اشلون ينزاح فدوه اروح الك يحسين الأرواح=عاشت روحك الحره الأبيه ميزول أبد .. هذا العهد بشخصك المسنه الحقيقه=ثابته بطول الدهر و كربله لليوم تعكس=عنك أنواع الصور و شفنه بيها اشلون دمك=فاق عالسيف انتصر و شفنه بيها الموت عزه=و اليعيش بذل خسر و انته علمتنه هاي لطباع=كلتنه النه الضماير عيب تنباع و تاليته الخساره الحب لطماع=و العز للرجال المبدأيه و للمعتقد .. هذا العهد ادروس من عدك أخذنه=يا حسين و مو درس الغيم لو يحجب سمانه=فكرك الصادق شمس حبك الطاهر نحسه=بكل وكت عز للنفس فرق بين اللي يشاهد=و الذي يلمس يلمس و احنه اللي لمسنه بطول ليام=انته الثبتت منهاج لسلام يالذكراك يتخلد بكل عام=يا ضي الرساله الأحمديه لا ما خمد .. هذا العهد من طلعت من المدينه=جنت تعلم بالمصير ما جنت رايد المنصب=ردت إحياء الضمير للقياده يا هو مثلك=و انته من أشرف أمير كتب بالآلاف وصلت=بيك كانت تستجير و كل أهل العراق اموقعه بيها=منك تطلب بسرعه تجيها يا حسين الظلم سيطر عليها=و اتريد الخلاص من آل أميه و انطت وعد .. هذا العهد من وصل ليهم سفيرك=يحمل بجفه كتاب و قال الهم آنه بن عمه=و جيت من سيد لشباب غدرت بمسلم شجاها=الوادم انكلبت اذياب يا حسين و انته تدري=اتغيرت شنهي الاسباب غدرت بعد .. هذا العهد