يـــا هـيـبـة مـظـر يـاحـد مـراجـلها         مـــن هـيـبـتك تـتـراجف بـواسـلها

يـاصـل الـرمـل يـا غـضب يـابركان         زودك عـاصفه وتـنسف جبل ثهلان
يـاما حـدت بـسمك يـاعلي الركبان         وتـتـغـنه ابـثـبـاتك كـــل قـوافـلـها

قـوافـلـهـا يـحـيـدر غـــدت تـتـغـنه         بـسـمك يــا قـسـيم الـنـار والـجنه
سـيـفك الـه بـهامات الـخصم رنـه         والـخـيل ابـدمـه الـعـسكر تـحجلها

تـحـجـلها ابـدمـه وبـالـجثث تـتـعثر         يــافـارس الـخـندق يـابـطل خـيـبر
يـالـصوتك يـهـز اجـبـال لـو زمـجر         وصـرخـاتك رعــد تـرهب جـحافلها

جـحافلها تـهابك وانـته لـيث الـغاب         يـالچفك نـسر كـاسر يداحي الباب
مـيـهمك يـحـيدر لـو خـفگ لـغراب         يــا تــارك مـنـاحه ابـكـل مـنـازلها

مـنازل تـنتحب مـنك يـصل الصيف         يـحلالك يبو الحملات ممشه الهيف
يـاراضع الـعسكر من ثدايه السيف         وگاع الــحـرب صــولاتـك زلازلـهـا

يـازلـزال مـن صـوتك تـروط الگاع         يـاماخذ احگوگ الموت صاع ابصاع
مــن حـملاتك گلـوب الـزلم تـرتاع         وتـخـطف كـل مـهجها مـن تگابـلها

تگابـلـها ابـعـزم يـالـمافتر عـزمـك         عجيبه اشلون ابن ملجم گرب يمك
ولـنك عـالترب مـخضوب من دمك         ومـصـيـبـتك مـاتـخـمـد مـشـاعـلها