ربـيـتـك واحــسـب أيــام         ظـنـيت افــرح يـا جـسام
غــــابــــت شـــمــســك         لـــيـــلـــة عـــــرســــك

يـا فـرحة اسـنين المضت         اگعـــد يـجـاسم واسـمـع
ارويــلـك اسـنـين الـعـمر         مـــن الـمـهـد لـلـمـصرع
مــن بـعد اتـعاب الـحمل         گلــبــي ابــربـاك اتــلـوع
بـيـدي اعـصرتلك چبـدتي         وگتــلـك يـجـاسم ارضــع
يـوليدي ارضـعتك سـنتين         خـلـيتك بـرمـوش الـعـين
وعـــيــنــي اتــحــرســك         لـــيـــلـــة عـــــرســــك

يـولـيدي سـنتين ارضـعت         هـالـحـالـه مـــا أصـعـبـها
كـل ليله من عدها ابشهر         لــــو تگعــــد وتـحـسـبها
عـالـمهد يـبني امـساهره         وعـيـنـي الـسـهـر ذوبـهـا
حـسـبـت أثــمـار الـتـعب         تــالـي الـعـمـر اكـسـبـها
احـرس مـهدك لـيل انهار         أســهـر واتـرجّـه الأثـمـار
ذابـــــــــل غــــرســــك         لـــيـــلـــة عـــــرســــك

ومن صرت ياجاسم طفل         ولــسـانـي بــيـك ايـــردد
عـلَّمتك الـممشه وصـرت         مـالـحـظـه عــنـك أبــعـد
ويّـــاك اگومــن لـوگمـت         مــن تگعــد اويــاك اگعـد
فـرحـانه يـبني ابـشوفتك         والــنـاس عــنـك تـنـشـد
يـوليدي وروحـي اتـباريك         اصـرخ لو نسمه أتمر بيك
خــــوفــــي اتـــمــســك         لـــيـــلـــة عـــــرســــك

سـنين العمر كلها انطوت         وراحــت مـراحل عـمرك
لــنـك يـجـسام اصـبـحت         شـــاب وتـكـامـل بــدرك
والــنـوب يـبـني حـسـبت         عـريـس عـيـني اتـنظرك
مــا ادري عـرسـك نـايحه         والـحـنه مــن دم نـحـرك
يـاجـاسـم عگب الاتـعـاب         اتـجازيني بلوعات مصاب
خــــمــــدوا حــــسّــــك         لـــيـــلـــة عـــــرســــك

يـبـني عگب ذاك الـتـعب         حــســبــت راح اتــهــنـه
مــا ادري شـمـعاتك دمـع         والــحـنـه تــصـبـح ونــــه
يـولـيدي مـن هـذا الـعمر         عگبــــك بــعــد شـتـمـنّه
عـمري مثل عمرك خلص         لــــو ردت تـنـشـد عــنـه
افـراحـك صـارت احـزان         وثـيـابك صــارت اچفــان
اتـــغـــيـــر لـــبـــســـك         لـــيـــلـــة عـــــرســــك

يـبني يـجاسم مـن طحت         لـلـخـيمه جــابـك عــمـك
خـــلاك يـــم ابـنـه عـلـي         وصـــب الـمـدامـع يـمـك
وآنـــه اعـتـنيت ابـلـهفتي         يـبني وطـحت يم جسمك
خـليت عـيني اعـله النحر         وامـزجـت دمـعي ودمـك
مــن دمـك يـبني اتـحنيت         صـبـيت دمـوعي ونـاديت
اتـــضــحــي بــنــفـسـك         لـــيـــلـــة عـــــرســــك

مـلـيت مــن هــذا الـعمر         والگلـب مـل مـن صـبره
افــراح عـرسـك يـاوسف         صـــارت نـحـيب وعـبـره
بـالـحومه طـفوا شـمعتك         وبگلــبـي عــلگوا جـمـره
عـريس گبـلك مـا شـفت         يـتـحـنه مـــن دم نــحـره
ومـصـابك أصـبـح عـنوان         وحـروفه هـموم واحـزان
واضــــــــح درســــــــك         لـــيـــلـــة عـــــرســــك