زيـــنـــب عگب ولــيــاهـا         يـــــا نــايــبـه الـتـنـسـاها
مـحـتـاره بــيـن مـصـابين         چبـد الحسن راس حسين

هـــاي الـعـقـيلة بـالـدهـر         شــافـت مـصـايب كـثـره
والـهـظـم ويـاهـا اسـتـمر         مــن يــوم ضـلـع الـزهره
وشـافت أبـوها الـمرتضى         امـخـضب ابــدم الـطـبره
والـنوب لـن چبـد الـحسن         ابـطشت الـمصيبه اتنظره
ورابــــع حــــدث ألــمـهـا         شـاهـدت راس ابـن امـها
وابـحـيره ظـلـت مـا بـين         چبـد الحسن راس حسين

دنـيـانـه مـــا مـنـها أمــل         ابـطـبع الـغـدر مـوصـوفه
مـنهو الـيصدگ بـت عـلي         تـمـشـي ابـيـسر لـلـكوفه
ولـلـشـام وداهـــا الـدهـر         لاچن مــشــت مچتــوفـه
ولن راس اخوها بالطشت         ابـمـجلس يـزيـد تـشـوفه
جــــور الــدهــر عــاداهـا         واشچم هــظــم راواهـــا
بـالـدهر شـافـت طـشتين         چبـد الحسن راس حسين

مــا عـدها اخـوه ولا سـند         فــــارگت كـــل اخـوتـهـا
مـن شـاهدت راس الولي         انـعـادت غـصـص لـوعـتها
واتـذكـرت چبــد الـحـسن         وظــلــت تــهـل دمـعـتـها
صـاحـت يـخويه امـصيبتك         رجــعـت عَــلَـي مـحـنـتها
ابـحـزن الگلــب وهـمومه         ذكـــرت اخــوهـا ويـومـه
واَتـمـحِّـنت بــيـن اثـنـيـن         چبـد الحسن راس حسين

نـاحت وصـاحت يـالحسن         مـــا أنـسـه جــور أيـامـي
بالطف عفت جسم الولي         راســه ابـطـشت جـدامي
انـعـادت عـلـيَّه امـصـيبتك         واتــــجـــددت آلامـــــــي
راس الـولـي مــن شـفته         چبـــدك يـخـويـه اذكـرتـه
وانـجـمعن اگبــال الـعـين         چبـد الحسن راس حسين

ابـلوعتها صـاحت يالحسن         لـمـن رحــت مــن يـمـي
بـحـسين اخـوك اتـحصَّنت         وشـديـت حـيـلي وعـزمي
مــا شــوف لــن ابـكربله         طـايـح صـريـع ابــن امـي
وچبــده مـثل چبـدك غـده         امـــوذر يـخـويه ومـدمـي
روحــي الـحزينه احـتارت         يــا مـحـنه اكـثـر صــارت
وبــروحـي شـبـت نـاريـن         چبـد الحسن راس حسين

مـن لـوعة أهـوال الـحزن         فــكــر الـعـقـيـله اتـحـيـر
كــل يـوم لـن تـنظر چبـد         ابــغـدر الــزمـان امـــوذر
شـيـصير گلــب ام الـخدر         هـــوّه گلـــب لــو مـرمـر
اتـحـملت آهـات وغـصص         لــــو بـالـصـخـر يـتـفـسر
نــنـشـد گلـبـهـا ونــسـأل         چم فــاجــعــه يــتـحـمّـل
ابـها الگلـب ظلت جرحين         چبـد الحسن راس حسين

هالصيحه من جوف الگلب         نــرفــعــهـا ونــــرددهـــا
ابـدمعات مصحوبه ابهظم         ام الـــخـــدر نــنــشـدهـا
يـا لـوعه اصـعب عـالگلب         ويـــا شــده أكـثـر عـدهـا
مـن شـاهدت چبد الحسن         لـــو راس ابـــن والــدهـا
بـالـدمـعه نـنـشـد زيــنـب         يــا لـوعـه اكـثـر واصـعب
ويـاوصف مـن هـالوصفين         چبـد الحسن راس حسين