هــــاي امــــي الـربـتـنـي         ولـهـذا الـمـوقف رادتـنـي
بــالــمــدمــع نـــادتــنــي         ويــاك اسـتـشهد وصـتـني
حـــــــــان الـــمـــوعـــد         خـــــــــل اســـتــشــهــد

هــــذي مــفــاوز كـربـلـه         وهــاي الـحـرب يـا عـمي
وهـــذي وصــيـة والـــدي         وشـجـعـتني نـخـوة أُمــي
مـهـموم وادري الـتـضحيه         تـكـشـف سـحـابـة هـمـي
وتـتـنـاثر أزهـــار الــفـرح         حــيـن ايـتـنـاثر جـسـمـي
مو وكت شمعه ولا عرس         وكــت انـتـصاري وعـزمي
ومـضـة الـصارم شـمعتي         والــحـنـه تــصـبـح دمـــي
مـــــن اوگع بــالـمـصـرع         أُوفـي كل حگوگ المرضع
والام الـــرضـــعـــتـــنــي         ويــاك اسـتـشهد وصـتـني
حـــــــــان الـــمـــوعـــد         خـــــــــل اســـتــشــهــد

خـيل وزلـم مـن كـل كـتر         وســط الـحرب مـجموعه
وادم اجـــــت لـلـمـعـركه         لأتـعـس هــدف مـدفـوعه
بــيـض الـهـنادي امـلـوّحه         وهــاي الـسمر مـشروعه
يـا عـمي ارخـصني أطـب         واخــمـد سـعـيـر الـلـوعه
هـالساعه مـو ساعة شمع         لـلـعرس طـفـوا شـموعه
وجـفن امي عاهد لو متت         يـحـبس مـسـيل ادمـوعـه
والـــواعـــي بــتـفـكـيـره         يـتـمسك بـاعراف الـغيره
والــغــيــره الــدفـعـتـنـي         ويــاك اسـتـشهد وصـتـني
حـــــــــان الـــمـــوعـــد         خـــــــــل اســـتــشــهــد

يـحـسين يـا عـمي وأظـن         تـرخـصني لـو ردت أطـلع
هـزتـنـي لـجـلـك غـيـرتي         ولـلـذبـح نــحـري اتـطـوع
لهالساعه ذاخرني الحسن         هـــذي وصـيـتـه وتـسـمع
نـادانـي لــو عـمـك يـظل         وحـــده ويــشـح الـمـفزع
ضـحـيـله يـبـني ابـرگبـتك         وعـــن مــبـدأك لا تـرجـع
وواعـدنـي يـحـضر والـدي         لـو طـحت وسط المصرع
عــاهــدتــه وعــاهــدنــي         أبـــرز وبـعـينه يـشـاهدني
وعـــهــوده الـشـجـعـتـني         ويــاك اسـتـشهد وصـتـني
حـــــــــان الـــمـــوعـــد         خـــــــــل اســـتــشــهــد

يـحـسين يــا عـمـي وبـعد         شـنـتـظر شـنـهـو الـتـالي
وِحـدتـك بـالـطف هـدِّمت         حــيـلـي وتــغـيـر حــالـي
خـلـيـنـي أبــــرز لــلـوغـه         ويــسـفِـر شـــاع هــلالـي
ولـو مـانعتني مـن الحرب         تــصــدع ركــــن آمــالـي
اشلون اصبر وشبلك علي         طــايــح صــريـع اگبــالـي
دم ابـنك ارخـصته اشتظن         دم ابـــن اخــوك الـغـالي
خــــل ابــــرز لـلـعـسـكر         آخـــذ مـنـهم ثــار الأكـبـر
والــحــالــه الـهـظـمـتـني         ويــاك اسـتـشهد وصـتـني
حـــــــــان الـــمـــوعـــد         خـــــــــل اســـتــشــهــد

جـاوبـه حـسـين ابـدمـعته         غــيِّــر يـجـاسـم فــكـرك
بــعـدك ابــزهـرة دنـيـتـك         شـنهو الشفت من عمرك
بـــأول شـبـابك مــا ردت         كــربـلـه اتـغـيـب بـــدرك
بـيك انظر اوصاف الحسن         لــمـن عـيـونـي اتـنـظرك
إرجـــع يـجـاسـم لـلـخـيم         وامـــك اظـــن تـنـتـظرك
ومـنـهـو الـيـصبر الـوالـده         لـــو شـاهـدت دم نـحـرك
اشــلـون ارجــع لـخـيامي         والأكــبـر طـايـح جـدامـي
وأمــــي الــلــي بـعـثـتني         ويــاك اسـتـشهد وصـتـني
حـــــــــان الـــمـــوعـــد         خـــــــــل اســـتــشــهــد

جــاوبـه جـاسـم يـالگلـت         اگصـــد يـجـاسـم لامـــك
هــيَّـه الـدعـتني لـنـصرتك         گالــتـلـي إنــصـر عــمـك
وگالـــت يـجـاسم لا تــرد         خــوض الـمـنايه ابـعـزمك
وخـلـيني أنـظـر بـالـحرب         يـم جـسم الاكـبر جسمك
وگالـتـلـي روح لـفـاطـمه         وصـوغـه إخــذ مـن دمـك
والـزهـره مــن دار الـخلد         ظــلــت تــــردد بـسـمـك
هــــــــاي الأُم تــتــمــنـه         تشوف چفوفي ابدم تتحنه
عــالــمــذبــح دلّـــتــنــي         ويــاك اسـتـشهد وصـتـني
حـــــــــان الـــمـــوعـــد         خـــــــــل اســـتــشــهــد

حـــادي الـمـنـايه بـكـربله         ايـــردد ابـمـوتي ويـحـدي
يـا عـمي مـا ظل كل أمل         بـس هـالأمل ظـل عـندي
اسـتـشهد بـسوح الـحرب         وامــضـي لـمـحمّد جــدي
وعـالكوثر الگه الـمرتضى         ويـطفي الـجمر من چبدي
واعـتـنـي لامــي فـاطـمه         وتـجلي الـترب عـن خـدي
وأگصـــد واقــبِّـل والــدي         واهــتـف وفـيـت بـعـهدي
الــــوالــــد يــتــأمــلـنـي         وعـنك يـنشدني ويـسألني
وهـالـرحـمـه الـشـمـلتني         ويــاك اسـتـشهد وصـتـني
حـــــــــان الـــمـــوعـــد         خـــــــــل اســـتــشــهــد