مــــــــــن تـــــذكـــــر امـــــهــــا         يــــــكـــــثـــــر هــــظــــمــــهـــا
لـــمـــن شـــافـــت دم الــطــبـره         زيــنــب ذكــــرت ضــلـع الــزهـره

زيـنـب ابـلـوعتها وفـكـرها الـمحتار         سـهرانه تـذكر مـا جره اعليها وصار
مــن تـنظر لـمحراب ابـوها الـكرار         تـذكـر الـزهـره والـضـلع والـبسمار
اشـتترجه مـن جـور الـزمان الغدار         خـلاهـا تـتـحمل غـصـص لـيل انـهار
رســــــــمـــــــت حـــــزنـــــهــــا         ابـــــدمـــــعـــــة جــــفــــنــــهـــا
اعـلـيـمـن ســالـت مـنـهـا الـعـبـره         زيــنــب ذكــــرت ضــلـع الــزهـره

اتـفت الـصخر لـوعة گلبها المرتاب         هالگلب يحمل چم هظم چم مصاب
كـلما تـصد وتشوف خالي المحراب         تـتـذكـر الـضـلـع الـتـهـشم بـالـباب
اتـحَمِّلَت مـنك يـا دهـر چم اصـواب         لـمن تـنشدك زينب اشتنطي جواب
تـــــحـــــســـــب نـــــــوايـــــــب         والگلـــــــــــــــب ذايـــــــــــــــب
بــيــن الــدمـعـه وبــيــن الـجـمـره         زيــنــب ذكــــرت ضــلـع الــزهـره

لــو نـاشـدت يــا دهـر عـن مـحنتها         بــت فـاطمة اتـفت الـصخر حـالتها
مـن كـسر ضـلع امـها ابتدت لوعتها         وانـخـتمت ابـطـبرة عـلي امـصيبتها
اشما تظل تجري من الجفن دمعتها         مـــا تگدر اتـخـمّـد لــهـب جـمـرتها
فگدت ذخـــــــــــــــرهــــــــــــــا         اشــــيــــنـــفـــع صـــــبـــــرهــــا
مــــرت بــيـهـا امــصـايـب كــثـره         زيــنــب ذكــــرت ضــلـع الــزهـره

هــاي الـعـقيله الـحـايره الـمهمومه         مـثل امـها عاشت صابره ومظلومه
اشـتنسه الـضلع ذاك الكسير ويومه         لـو تـنسه والـدها انـخضب بـدمومه
مـن زغـر سـنها امدوهنه ومهظومه         ودنـيـاها صــارت بـالمحن مـختومه
ابـــــــــــــــدار الـــهـــظـــيـــمــه         أمــــــــســـــــت يــــتــــيــــمـــه
شـنـهـو الـتـنـسه وشـنـهو اتـذكـره         زيــنــب ذكــــرت ضــلـع الــزهـره

لا جــرح واحـد حـتى يـضمد ويـروح         ولا مـحنه وحده وتصبر عليها الروح
امـصايبها أكـثر من دمعها المسفوح         والــحـزن يـرعـاها ويـبـاريها الـنـوح
سـهرانه ظلت والجفن ظل مشبوح         والـصـبر مـا يگدر يـداوي الـمجروح
تـــــــــايــــــــه فــــــكـــــرهـــــا         ابــــــولـــــيـــــه دهــــــــرهـــــــا
لــنـعـش الــوالـي تــريـد اتـنـظـره         زيــنــب ذكــــرت ضــلـع الــزهـره

اتـعنت لخوها الحسن تجري المدمع         وتـصـيح يـبـن امــي دلـيلي اتـصدع
ابـيـا عـيـن اشـوفـن والـدي يـتشيع         واشـلون خـلف الـنعش اختك تطلع
لـــو شـفـت ابـويـه بـالگبـر يـتـودع         اشلون النواظر تغفه واشلون اهجع
تـــــــجـــــــري الـــــمـــــدامــــع         والأمـــــــــــــــل ضــــــــايـــــــع
وحــيــدر لــمــن فــــارگ عــمـره         زيــنــب ذكــــرت ضــلـع الــزهـره

والـنعش مـن حملته چفوف الاكرام         زيـنب اجـت والگلـب من عدها هام
تــنـهـض وتــعـثـر بـالـمـحن والآلام         صـاحت يـصنديد الـحرب يـا ضرغام
يــا بـويـه مــن بـعدك ولـتنه الأيـام         وصـرنـه يـحـيدر عگب عـينك ايـتام
جــــــــــــــــور الــــلــــيــــالــــي         مــــــــــا رحــــــــــم حـــــالــــي
بـــهـــذا الــمــوقـف وبـهـالـفـكـره         زيــنــب ذكــــرت ضــلـع الــزهـره