وهـمـانـه ونـكـرت واقـعـها         وهــاي الاعــذار اشـتـنفعها
لــمــن يـسـألـهـا الـمـخـتار         اشــراح اتـقدم مـن أعـذار

مـا ردنـه انـظل اعـله الأمه         انعيد الماضي ونبدي اعتاب
لاچن نــاخـذ مـنـها الـعـبره         ونـحسب لـلأحداث احساب
كــل مـجـهول اتـوضح الـنه         وما ظل فوﮒ العين احجاب
بـــاچر لـلـنـاس ايـحـاسـبها         الـهادي ومـنها يـريد اجواب
هـالـناس الـغـدرت بـالعتره         بــاچر تــوگف ويـه الـزهره
وهـنـاك الـمـحشر لـو صـار         اشــراح اتـقدم مـن أعـذار

بــس مــا فـارگهـم هـادينه         صــاروا لـلـشيطان اعــوان
لـمـن دفـعـوا بـاب الـزهره         فـتـحـوا أبـــواب الـطـغيان
ضـلـع الـهشموه ابـهجمتهم         أصــبـح مــصـدر لــلأحـزان
چانــوا أصـحـاب اشـغيرهم         اشـبـدَّلهم صــاروا عــدوان
أصـحابه انـحرفوا مـن بعده         الله يــلـعـن أهـــل الـــردَّه
گوم الـدفـعت بــاب الــدار         اشــراح اتـقدم مـن أعـذار

لا تـنشد عـن مـوقف حـيدر         مـوقـف حـيـدر مــا نـنـساه
مـصـيوب وطــاح بـمـحرابه         واتـخضب شـيبه امن ادماه
حـيـدر لـمـن دفـنوا جـسمه         دفـنـوا جـسـم الـعزه اويـاه
گبـل الـموت اسنين اتحمل         ظـــل يـكـابد جــور اعــداه
اشـما جارت سطوة عدوانه         مـــا هـــزت قـلـعة ايـمـانه
والــصـابـت راس الــكــرار         اشــراح اتـقدم مـن أعـذار

حـيـدر عـايـش بـيـن الأمــه         لــوعـات ايـكـابـد وهــمـوم
مـات وشـبله اتـولّه ابـدفنه         مـظـلـوم ايـوسـد مـظـلوم
والــنـوب اتـحـولـت لاولاده         الله يــــلـــعـــن ذيچ الگوم
ولـبـحر الاحـسـان اتـوجهت         واُبـسـمهم أصـبح مـسموم
مــن هــاي الگوم اشـتتوقع         ابـسمهم چبـد الدين اتگطع
خــل نـنـشد گوم الاشــرار         اشــراح اتـقدم مـن اعـذار

ويـوم الـطف لا تـنشد عـنّه         ولا تـسأل عـن حال حسين
احـتشدت هـاي الأمه اگباله         وهــوّه بـأنـصاره الـسـبعين
سـفـكوا دمـه ودم اصـحابه         وعـالـخدر هـجـموا صـوبين
نــار اظـمـاه ونــار اخـيـامه         شـيـخـمـد هـــاي الـنـاريـن
طـايح ريـت الـهادي اينظره         وبـعـينه ايـشـاهد دم نـحره
ويــسـأل أعـــوان الــغـدار         اشــراح اتـقدم مـن أعـذار

والــنـوب انـوجّـه صـرخـتنه         صـرخه ومـصحوبه بدمعات
يـالـمختار الـعـتره اخـلافـك         عــاشـت بـهـمـوم وآهــات
والــنـاس الــرايـد عـزتـهـم         عگبــك عـاشـوا چالأمـوات
بــاعــوا عــزتـهـم بــالـذلـه         عــزتـهـم تــرجـع هـيـهـات
اگعــد يـالـهادي وحـاسـبهم         بـلـسان الـمـدمع خـاطـبهم
وانـشـد عـن چتـل الأطـهار         اشــراح اتـقدم مـن أعـذار