أصــــــرخ يــحــسـيـن         طـفـلـك يـــون وّديـتـه

عـبدالله الـطفل ذبـلان         وابگلـبه اسعرت نيران
نــاوي تــروح لـلميدان         تـطلب ماي للعطشان
مـا ظن شيمة العدوان         عدهم رحم عالرضعان
رد يـــــــا مــظــلــوم         جــســمــي الـــيـــوم

يـبن الـمصطفه لا وين         رايـح بـالطفل يـحسين
مـحـتار وتـديـر الـعـين         تطلب ماي خويه امنين
تطلب ماي من طاغين         مـا عـدهم كرامه ودين
لا ويـــــــن اتــــــروح         گلــبـي ايــنـوح خـلـيته

گلـبـي بـالـحزن نـاداك         وبـدمـعي اريـد انـخاك
لا تگصــد لگوم اعـداك         لـتـودي الـطـفل ويـاك
ارجــع خـويـه أتـرجاك         مـا تـلگه شهامه اهناك
شــيــفــيـد الــــلـــوم         دمـعـي ادمــوم هـلّيته

راح وگصــد يـم اعـداه         وعـبدالله الـطفل ويـاه
مــا بـيـن الـجـمع وداه         حـاچه الـعسكر ونـاداه
ذاب الطفل من اظماه         والـنار اسعرت بحشاه
عـــبـــدالله اويــــــاي         يـشـرب مـاي يـا ريـته

اتـوجـه حـرمله وصـابه         وصـار الـمنحر اصـوابه
مـن دمه صفه اخضابه         احـتار حـسين بـمصابه
ولـصـوب الـخيم جـابه         ونـــار الــحـزن لـهـابه
والــــحـــرًّه تــصــيــح         دمـــه يـسـيـح ردّيــتـه

جـابـه حـسـين لـخيمًّه         وعـيـالـه اجـــت يـمّـه
صــارت عـالطفل لـمّه         وحـده ابـمنحره اتشمّه
وحــده تـمـسح ابـدمّه         وصـاحت بـالحزن أُمّـه
يــولــيــدي اشـــصــار         گلــبـي ابــنـار شـبّـيته

وحـسين اخـتلف أمـره         عـالـج مـوقفه ابـصبره
صــد لـطـفله ويـنظره         جـابـه ووسـده ابگبـره
وســد عـالـترب نـحره         وصـاحت زيـنب الكبره
يــبـن امـــي اشــلـون         هـالـمـدفـون واريــتــه