يــحــســيـن مــدمــعـنـه هـــتـــف         مــا چنــه ويــاك يــا حـيف ووسـف

انـخطت بـالگلوب وصـيتك يا امامي         يا شيعتي اتصيح وحيد وگلبي ظامي
ذكروني بالماي وأنه اليسعر ضرامي         واحنه الذكر ناك ذكر من دمع دامي
اتــخــاطـبـك بــالــدمــع الــيــسـح         يــــــا ريــــــت گبـــلـــك نــنــذيـح
مـدمـعـنه يـحـسـين لـمـصابك ذرف         مــا چنــه ويــاك يــا حـيف ووسـف

محضرنه يحسين وسف ما چنه يمك         لــو چنـه ويـاك وحگك نـجلي هـمك
نفديلك أجسام گبل لا يهوى جسمك         انـضحيلك ادموم گبل لا يجري دمك
شــيــفــيــد نـــتـــأســف بــــعـــد         راح ومـــضـــه وفـــــات الـــوعــد
گبــلــك تـمـنـيـت مـنـحـرنه نـــزف         مــا چنــه ويــاك يــا حـيف ووسـف

نـتـمنه انـصـار الــك چنــه ونـنـاصر         نـتـقـدم اويـــاك نـقـدمـلك مـنـاحـر
انشارك الأصحاب زهير الوفي الثاير         وحـر الـرياحي وحـبيب ابـن مظاهر
نـــتــمــنــه چنــــــــه بــكــربــلــه         نـــشـــاركـــهـــم بــهــالــقــافــلـه
حـيف ووصـف فـات تـحقيق الهدف         مــا چنــه ويــاك يــا حـيف ووسـف

كـل أمـل لـو فات بعد لا تظن يرجع         مـا نـهنه بالعيش وعلي الأكبر تگطع
هـالعمر شـيفيد وجسم جاسم توزع         مـن بعد عباس تظن ينشف المدمع
يــــا ريــــت مــــن گبـــل الگمـــر         نـــتـــوســد ابـــكـــتــر الـــنـــهــر
نــصـرخ يـعـبـاس يــاتـاج الـشـرف         مــا چنــه ويــاك يــا حـيف ووسـف

كربله بكل دور تعيش اويه المشاعر         مـحنتك يحسين جمر وسط الضماير
لا تـظن هالصوت مجرد لفظ شاعر         هـالـصوت والله دمـع مـن الـمحاجر
لـــدمــع مــــن عــيـنـي انــسـجـم         بــــيــــن الـــتـــآســف والآلـــــــم
لـتـلوم لـتـلوم لــو ضـلعي انـعطف         مــا چنــه ويــاك يــا حـيف ووسـف

يـحسين لـو دار عـكس دور الـليالي         وتـرجع الأيـام حسب فكري وخيالي
وكـربله تـنعاد وأشوف العده اگبالي         بـالـنحر أفـديك واضـحي ومـا أبـالي
أربـــــــع اســــهـــام ابچبــــدتـــي         وروحـــــي وحــيــاتـي ومــهـجـتـي
شـيـفـيد شـيـفـيد لــو زاد الـشـغف         مــا چنــه ويــاك يــا حـيف ووسـف

مصرعك يحسين هدم حيلي وكياني         اشـتـنفعنه شـتـفيد ربـيبات الأمـاني
صـرخات الـمصاب يترجمهن لساني         بـالگلب والـعين سهم فگدك رماني
أجــــري الــدمــع طــــول الـعـمـر         ذايـــــب دلــيــلـي مــــن الــصـبـر
لـتـلـوم عـيـناي لــو دمـعـي نـشـف         مــا چنــه ويــاك يــا حـيف ووسـف