يــــــا بـــويـــه تـــــدري اشـــصــار         عگبــــــــك يـــحـــامــي الــــجـــار

يــا جـبـل يــا راســخ ابگاع الإيـمـان         يــا مــن عـواصـف هـالـدهر مـتهمك
يـا أسـد يـالترهب اگلـوب الـشجعان         تـرجف اصـفوف الملحمه من اسمك
حـيـرني أمــرك يـا غـضب يـا بـركان         اشـلون ابـن مـلجم گدر يـوصل يمك
يـــا ريـــت گبـلـك انـدفـن بـالـتربان         ولا شـوفـك امـخـضب يـبويه ابـدمك
لا طـــــــالـــــــت الاعـــــــمــــــار         عگبــــــــك يـــحـــامــي الــــجـــار

آنــــه الـعـقـيـله زيــنــب وتـدريـنـي         مــن جـمـر نــار الـهظم دلالـي ذاب
خـلـيـنـي آنــــه ومـحـنـتـي خـلـيـني         امصابك يحيدر ما حصل مثله امصاب
حــال الـدهـر مــا بـيـنك ومــا بـيـني         وظـليت اصيح ادركني يا داحي الباب
ريـت انـطفت هـاليوم شـمعة عـيني         ولا شـوف مظلم صار وجه المحراب
هــالــلــيـلـه فــــكــــري احــــتـــار         عگبــــــــك يـــحـــامــي الــــجـــار

يا با الحسن چنت اشكي عندك همي         وابـشـوفتك تـنخمد مـن گلـبي الـنار
لــمـن چنـــت اذكـــر مـصـيبة أمــي         انـظر لـوجهك أنـسه كـل الـلي صـار
وانـجـمعن بـهـاليوم حـزني وهـظمي         واذكـرت مـحسن والـظلع والـبسمار
بــس الـحـسن وحـسين ظـلوا يـمي         مـنـهـو الـيـصـبر حـالـتـي يـــا كــرار
راح أحــــــمــــــل الاخــــــطــــــار         عگبــــــــك يـــحـــامــي الــــجـــار

ايــتـام صــرنـه الـيـوم نـتـوجه ويــن         مــا نــدري الـمـن نـتـجه مــا نـدري
امـن الحسن نوبه أمسح دموع العين         ونـوبه الحسن يمسح دمعتي التجري
نــوبـه اروح وانـظـر لـحـال حـسـين         وحـسين نـوبه يـشوف حـالي وأمري
ومـنين اجـتنه الـمحن يـا بـويه مـنين         مـن گبـل عمرك ريت خطفوا عمري
شــيــطــفــي هــــــــاي الــــنــــار         عگبــــــــك يـــحـــامــي الــــجـــار

سـهرانه عـيني وأحسب انجوم الليل         كــل سـاعـه وجـهـك بـويه يـتراوالي
اخـلافك بـعد ما عندي مهجه ولا حيل         ومـنـين اجـيـب الـحيل عگب الـوالي
انـظر مچانـك خـالي ودموعي تسيل         ابـيا عـين أصـد وأنـظر مچانـك خالي
يـا ويـل گلـبي اشـكثر يـصبر يـا ويـل         لـيـلة أمــس وجـهك اشـوفه اگبـالي
والــلــيــلــه وحــــشــــه الـــــــدار         عگبــــــــك يـــحـــامــي الــــجـــار

يــا بــا الـحـسن الـمـن أوجـه عـتبي         مـتگلـي شـيـصبر الگلــب يــا حـيـدر
چم فـاجعه وچم لـوعه يـحمل گلـبي         لــو صـخـر هـم چان الـصخر يـتفطر
يــا نـور عـيني الـبيك اشـوفن دربـي         عگبـك صـرت أعـثر واگومـن واعـثر
مـتـحـيره وعـيـنـي لــمچانـك تـربـي         مــا اگدر احـمـل فـرگتـك مــا أقـدر
مـــهــمــومــه لــــيــــل انــــهــــار         عگبــــــــك يـــحـــامــي الــــجـــار

جـــارت عـلـيـنه الـدنـيـه يــا والـيـنه         كـلـمـا نـزيـد الـصـبر مـحـنتنه اتـزيـد
مـلـيـنه مـــن فـيـض الـدمـع مـلـينه         شـيـفيد سـيـل الـدمع بـعدك شـيفيد
ايــتـامـك احــنـه وشـيـطـح بـيـديـنه         طـيـفك مـثل مـاي وتـبده مـن الايـد
والــعـيـد هـــذا هــلالـه لاح اعـلـيـنه         يـا بـا الـحسن يـا ريت لا شفنه العيد
أبـــــــــدال الــــفــــرح أكــــــــدار         عگبــــــــك يـــحـــامــي الــــجـــار