خطَّار إجاني يا هله ابْجَيْته=مَحله الأبو لو مَرْ عله ابْنَيْته بس ما تطيح اعيونه بِعْيوني=اِشْلونه أسِأْله اْو يسألِ اِشْلوني ضيفي .. ابْ طيفي =سيَّر عَلَيْ نسْمه اعْله مختنگه جاني .. وآني = مابين مُوش اِمْصَدگه و اِمْصَدگه أهْلاً  .. سَهْلاً  =بالرَدلي رُوحي ابْساعة المَلگه شفته..   اْو شِفته  =امْن الخيزرانه امجرَّحه اْو زرگه هذا العِزيز اْو عاش مِن شافه=لاچن أشوفه امفطّره اِشفافه ! إن چان هذا احسين خبْروني=اِشْلونه أسِأْله اْو يسألِ اِشْلوني ابحلمي  ..يمّي =جاني او عساني ميْته بحْلامي مَرْنِي..   سَرْني   =اْو من فرْحِتي مَتْشيلْنِي اَجْدامي   أغفه ..ابلهفه  =و أگعِد اْو طشْت الذّهَب جِدَّامي شصْبُر  ..و أنظُر =شيبه الكريم امترَّب اْو دامي اتْمَنِّيت راسي ابْحضنه لاچِني=شفْت الأبو راسه ابوسَط حِضني ! ويْ راس أبويه احسين خلّوني=اِشْلونه أسِأْله اْو يسألِ اِشْلوني تِجرَح   .. تِذبَح  =منِّ الِيتيمه چلمة ال بابا ذخري ..  لصدري =ضمِّيته و إيدي اتمُر عله اِصوابه اِبْچفِّي  ..اْو عَطفي  =من راس أبويه أنفض اِترابه أسرَحْ  ..و أمسَح  =دمَّه الذي جامِد عله اَهْدابه گمْت أسْأله اْو راسه وسَط حِجري=( مَنِ الِّذي أيْتَمَنِي ) ابزغري ؟ لمّن أشوفه چانت اظنوني=اِشْلونه أسِأْله اْو يسألِ اِشْلوني أَحچي.. شَحْچي =بعْض المصايب صعبه تتفصّل صعبه..  او گلبه =احْنَيِّن وَ لا يرضه عَلَيَّ أنذَل طفله..  اْو گتله =خل نحچي بس خل نحچي بالمُجمَل انْخيتك.. ريتك = عن خدِّي الاحمَر بويه لا تسألْ اْو عن خاتَمَك ما سِألكَ اْو شَرْطي=يا بويه ما تسألني عن قرْطي خَيْعوني راسك بيدي خَيْعوني=اِشْلونه أسِأْله اْو يسألِ اِشْلوني كاسِر.. خاطِر  =بنته لچَنَّه ايْمُون عالخاطِر ابْحيره..   اچْبِيره  =خلّاني لمَّن گالوا اِمْسافِر ويلي..   ليلي  =شِيْخَلصه عاللّي لْجَيِّته ايْساهِر أندِب.. و أحسِب  =هلبَت يرِد باچِر ,عگب باچِر تالي إجه اْو ويَّاه أتعنَّه=من الخرابه انروح للجنَّه و اهناك لمَّن ينظر اِمتوني=اِشْلونه أسِأْله اْو يسألِ اِشْلوني

Testing
عرض القصيدة