( واسوا زينب ) هاي دگات الصدر علوها=اليوم زينب بالطم واسوها اليوم واسوا زينب بهذا اللطم=چبد اخوها الحسن بالسمّ انجسم حايره ودلالها ايطعنه الهظم=الليله من المجتبى حرموها لاعت الحره بدواير لوعته=شافته من النوح ذابت مهجته أتگطّع الدلال والله امصيبته=بين رميات الحزن خلوها ساعه تنظر ليه ساعه تنتحب=والدموع اد موم عالوجنه تصب الحالته من ايلوج ظلت ترتقب=هلّه هلّه ابغدرته ظلموها اتگله خويه اموا دعك والله كلف=شحمل وچبدك تدلّه ويه النزف لوعتك منها الحزن ليله إيغرف=ويلي بالسمّ طيبتك جازوها آه صاحت يابعد روحي الحسن=عگبك اشموع النواظر ينطفن وبوسط جمرة مواجعهن غفن=ريت روحي إبدالك السمّوها ايگلها وأنفاسه الزچيه تحتضر=ماشي عنچ يا بعد عيني غدر للشهاده قدمت روحي نذر=وبالشهاده رايتي علوها ياگلب يا خويه يتحمل وداع=وما بعد يجمعنه يبن أمي اجتماع للسفر لوّح يبو محمد شراع=شلون اشوفن جثتك ايواروها غمّض العينين من لاح الأجل=سلم حسين الأمانه وأ رتحل نحبت الأملا ك والدمع أنهمل=واعتنو ليها ابدمه ايعزوها جينه ننصب مأتم السيد الشباب=وبدموع العين إله نسجل انتساب زينب انواسيها بهموم المصاب=وبوفه ادموع الوفه اتهلوّها ياربات حسين يا شيعة علي=خلو كل هم ابصدركم ينجلي هاذه يوم انصاب مغدور الولي=والعقيله ابهالطم وافوها

Testing
عرض القصيدة