قبول ألأعمال بحب علي وألآل «هجري» خير الأعمال الولايه= وبيها دين الله كمل والذي عنها تخلف= ما يفيده كل عمل ما يفيد العمل إلا= ابنور عصمه اترشحه التدرس بعلم الولايه= بالمواقف ناجحه والذي يحفظ درسها= بامتحانه ايسامحه حيدر اليمضي كتابه =وبالخلد جاره نزل ابحالة الإحضار لمن= على القبله يمددوك وتتله عند راسك عديله= وبالثلاثه ايشاهدوك انچان بلسان الفصيح =ابديتهن انت ابن أبوك حيث لن ثالث شهاده =مره وأحله من العسل أحله من الشهد للثابت= يقينه ومعترف ومره للي عرض عن= حب الأمير ومنحرف اشلون اوصف لك مماته =وحالته ما تنوصف ايگوم يرطن بالشهاده =ويهجر ولفظه هزل ابليلة الوحده الحسابك =منكر ايجيك ونكير وينتصب كرسي النور= ويجلس اعليه الأمير انچان ميت عالولايه= مطلق السانك يصير ولو شغل ما إلك بيها= السانك اخرس وانشجل ينشدونك منهو ربك =تستقر رب العلى وعن نبيك ينشدونك= تعترف خير المله وعن امامك ينشدونك= لوگلت عقد الوله يخفض اجناحه نكير =لهيبته ومنكر جفل لون كتاب الأملاك =اتصير والجن والبشر والسبع تبحر مداد =اتصير واقلام الشجر ماحصت معنه الفضيله =الواضحه ابنص الخبر الما يموت اعلى= الولايه نطفته بيها خلل انظر الگلبي وشوفه= امنور بحب الولي الساني بثالث شهاده =ما يدور إلا « ابعلي » انچان حب الوصي =رفضاً آنه أول رافضي وبيه ما تأخذني =لومة لايم وشرح العذل ياإلهي اشهد عليه=بالولايه معتقد حب علي يرضيك =عني لا چن ابغيض اليضد لوچسبت ارضاك= يارب شنهو تأثير العبد خل يطگ راسه =بجهنم كلمن اغتاظ وزعل تدرى شيشوف بجهنم =من جحد حامي الجار يگوم من طبگة طبگة =ينتقل عگب المرار من يصل طبگة =السبعه مسكنه ودار القرار ما تريد اتشرف =وجهه يربض عليها ابتبل والذي ابعروة الوثقى =اتمسك وحبل المتين من الذنب عاري= ابقافلة الحشر گلبه أمين ليش متمر الجهنم= ينشدونه المذنبين يگلهم إلكم وآنه=مالي بيها ناگه ولا جمل بالحشر للخلق ميزان =وكتاب وحاسبين والموالي لو عليه= اذنوب كل العالمين ايحطهن ابچفه وچفه =حب أمير المؤمنين تثگل بأمر الإله= البيها حب خير العمل نشأة الكوثر كرامه= من الباري للرسول وعين الساقي وصيه= المرتضى زوج البتول من المعبود السقايه= اختصبت الفحل الفحول والعباس = من والده اتولاها تتمناه = چانت ويتمناها يوم البيه = للمشرعه اتعناها انطوت طي السجل= رايات الحرايب من حمل نزل للشاطي ودليله =من الظمه ناره تشب غرف من الماي گصده= يروي چبده المنعطب وذكر چبد حسين ظامي= وعالنفس گام ايخطب شلون الماي = يامهجتي اتقبلينه وظل حسين = للنهر تربي عينه وتتهنين = گبل العزيزه اسكينه انخبط وي الماي دمعه= المن جفن عينه همل يعذل ابنفسه ويگلها= وانهمل دمعة العين يا نفس هوني ابجاري= الماي لا تتنعمين چني انظر بالمخيم =حالة أطفال الحسين وين الماي = أسمعهم ينادوني وجو نار = دلالي وفجعوني ويتربون = للمشرعه ويتنوني حمل جوده وسدر= ظامي چبد ابن مير النحل حافظ إعله الجود قصده= يوصله ويسجي العيال لچن مادون المخيم =حاجب المحتوم حال وبعمود افضخوا راسه =وگطعوا اچفوفه الانذال سال ادماه = من هامته أعلى خدوده والعدوان = بالسهم صابوا جوده أبسوگ الموت= لحسين باع اوجوده بذل جهده وبوصية= عوده المشكرعمل طاح أبو فاضل ولاچن =عمد بيت حسين طاح من اجاه الصوت خويه= ادركني صك راح براح وشافته زينب ونادت= يابن حي إعله الفلاح خويه حسين = مالك تغير لونك خويه وليش = عالشاطي تربي اعيونك أبظنتي طاح = نعم العضيد وعونك يختي العيال احفظيها= ولاتخليها ابوجل اشلون حاله الوقف بيها =حسين عد راعي اللوه محني مثل القوس =ظهره وهرش دلاله التوه ناده يا صارم يميني =ويامن العيني ضوه آنه حسين = يمك حنيت اضلوعي ياعباس = دگعد ونشف ادموعي وي الگوم = عگبك شنو مصنوعي ابطيحتك طمعت =اعداي بچتلي صار الها أمل انحنى اعليه وجلس عنده =وشال راسه من الثره مسح عن وجهه دماه= ودمعه لمصابه جره وأبو فاضل يرد خده =أعلى الترب وايعفره ويناديه = للخيم لتوديني بهذا الحال = عالعلگمي خليني خويه حسين = صاحب عهد تدريني من تگلي الماي= سكنه وينه ياخذني الخجل بين ادين حسين فاضت =من ابو فاضل الروح ودعه ورد للمخيم= منفجع دمعه يفوح وزينب ابچتل ابن أبوها =علمت وگامت تنوح وسكنه تصيح = يابويه عمي وينه ماظن بيه = يتماهل وينسينه واحنه انلوج = من الظمه وتانينه گلها من الماي= آيسي الواعدچ بيه انچتل