في مدح ألأمير عليه السلام «ميمر» فارض الباري من عگب توحيده = حبك يحيدر تصديق الإسلام او رسم تأييده = حبك يحيدر فكري انشغل بالعالم وتكوينه = وبيمن تمهد إيمان گلبي بيك نوّر عينه = وحصل المگصد توضح لي سر العالم وتزيينه = وإيماني يشهد تنظيم سر العالم وتمهيده = حبك يحيدر تبصرت بالايمان اريد احدوده = بالحق عرفته متقسم بالايمان من معبوده = محدد درجته وطالب الايمان ابحسب مجهوده = تطلع قسمته تقسيم ايمان المله وتحديده = حبك يحيدر معنه الديانه استكشفت مبدأها = وحد النهاية شفت الديانه احدودها ومرجعها = حب الولايه وشمس الولايه اغروبها ومطلعها = ابرج الهدايه وطير الهدايه نغمته وتغريده = حبك يحيدر للشرف من شفت البشر محتاجه = سرت ابطريقه من خضت بحره اتبصرت بمواجه = نلت الحقيقه انت الشرف وانت اشرعت منهاجه = وحبك وثيقه والشرف فرعه وروضته وتوريده = حبك يحيدر من همت بفجوج المجد ودروبه = گصدي اكتسابه شفت المجد انت التفصل ثوبه = وتچسي اربابه والمجد آيه وآيته مكتوبه = بطالع أصحابه وطالع الصالح ماجد وتمجيده = حبك يحيدر ناشدت عقلي هالفلك دورانه = بيا نيّه راشد ما له قرار ويختلف سكانه = نازل وصاعد نورك هداني وشاهدت برهانه = بكل الموارد هالفلك سره ونزلته وتصعيده = حبك يحيدر ناشدت عقلي ومن بدالي رايه = راجعت امري بموسى بن عمران وعصاته الآيه = الشوشت فكري يشگ البحر سرها ويجمد مايه = والبحر يجري سر العصى البيه البحر تجميده = حبك يحيدر تصورت داوود وشفت تمكينه = وتمكينه حكمه تعلم لغة الطير وحفظ تلحينه = ويحسن النغمه يلين الحديد ابراحته وتليينه = توضح لي علمه أسرار تليين الحديد يأيده = حبك يحيدر ما حصل اسليمان علمه بتفكير = لاچن تعلم بمدرسة حبك ملك علم التدبير = حصل الخاتم والخاتم اللي حاز سر التسخير = من اسم الأعظم وسر اسم الأعظم كسرته وتشديده = حبك يحيدر اتبصرت بإبراهيم اريد اسراره = واعرف احكامه برد اوسلام اشلون صارت ناره = ونال السلامه هذا الأمر حبك كشف لي استاره = وشفت الكرامه چانون نار المضرمه تبريده = حبك يحيدر من شفت حبك بيه تبريد النار = والنجه ابسرك شاهدت نار الوجرت باب الدار = حيرني امرك تصبر وينصاب الضلع بالبسمار = لله صبرك وبالسوط متن ام الحسن تسويده = وتصبر يحيدر يا بالحسن لو ما تضيع الكسره = بضلع الزچيه ما چان ابو السجاد رضّو صدره = گوم آل ميه وسگط الحمل لو ما تهوّن امره = بالغاضريه ابحضن ابو اليمه ما تضحه اوليده = وتصبر يحيدر لو ما الوصيه ياوصي المختار = تچتف امتونك ما چان يجسر لعد دارك ديار = ويچتفونك وببنود سيفك لون يا حامي الجار = ما يسحبونك ما للعليل الطوگ يحفر جيده = وتصبر يحيدر الله واكبر يحفر ابجيده الطوگ = وانچبد لونه مدنف وعالناگه بسلاسل مشبوگ = ما يرحمونه وكلما يجيه السوط من حادي النوگ = يوسم امتونه ويثگل حنينه وللونين ايزيده = وتصبر يحيدر