تضحيات الإمام علي (ع) في سبيل المبدأ والعقيدة «شيعتي» روح التضحيات العالميه يا سيف النبي إو قائد نبيّه يمصفي الميامين = تضحيتك يبو حسين(1) ( روح التضحيات العالميه)(2) التضحيات إعله= العقيده والمكاسب والكرامه منها تضحية الهواها =إو منها للعز والزعامه وإنته تضحيتك الدين= المصطفه إو شرعه إو نظامه للتضحيه رايه إنشرت = دستور حربي دونت (عد من) (3) يبو حسين إدرست = مبدأ الدين إو ختامه إو درسك من فم القدره درسته وإبإيمانك إبصدرك طبعته وين الخاصمك وين = تضحيتك يبو حسين روح التضحيات العالميه يا علي علمك جميل =إو جوهرة معناك أجمل المعجزاتك والمعاني = صار ظهر الكون محمل وين اليضاهيك وينه ليش =عن فضلك تجاهل للتضحيات إتعرضت = إو بفراش إبن عمك نمت وإبكل خطر ما حسبت = صمد گلبك ما تزلزل إيمانك لعد گلبك عقيده إو عينك غمضت إبجفن العقيده وإتوسدت عالدين = تضحيتك يبو حسين روح التضحيات العالميه يا علي إو إيد الرساله= إمن الطفوله سالمتها إو روحك إبزهرة= شبابك لبن عمك أوقفتها إو بألأشعاب إشچم =وسادة خطر دونه وسدتها چان أبو طالب والدك = بفراش أخوك إيوسدك إو عالتضحيات إمعودك = إو عشگتك وإتعشگتها إورباك إبحجر سيد البريه إو غذاك العلم والعبقريه وإحفظت القوانين = تضحيتك يبو حسين روح التضحيات العالميه يا علي والهجره تمت =إو برح من مكه نبينه إو راسلك جيب =الفواطم گبل ميطب المدينه وأرغمت سادة قريش =إو مشت بحماك الضعينه إو خلفك يبو حسين الطلب = عالبعد يزبد ما گرب إتقدم جناح إعله الغضب = إو غربت عالموت عينه هذا أول چتيل إبصارمك طاح وإتعلم السيف إبخطف ألأرواح وإيضحي الفراعين = تضحيتك يبو حسين روح التضحيات العالميه يا علي صورة ولاءك= فرح للمخلوق أجمع أنبياء إو رسل بيها =إو عالم العلوي تمتع من الحوت إنجدت يونس =والسفينة نوح مصنع قدّرك ربك قدّرك = إبشمعة محمد نورك وإبأمر دينك بصرك = وإنته عگب الهادي مرجع گبال العدل والتوحيد صوره حبك والگلب يزهر إبنوره يالتطعن إبرمحين = تضحيتك يبو حسين روح التضحيات العالميه يا علي إنا فتحنا =من فتح مكه محمد إو آية النصر العزيز =البيه دين ألله توحد والفتح والنصر بيك =إو منطق التبيين يشهد إبموضع يد القدره إوضعت = جدمك إو تعلم شصعدت الدينك صحايف بيضت = والهبل تاريخه أسود يمكسر أصنام الجاهليه يمصدق الدعوه ألأحمديه يمشرع التبيين = تضحيتك يبو حسين روح التضحيات العالميه (إستدراك) (4) يا علي والكعبه =مسگط راسك وغذاك ذرها وهيه منك وإنته منها= إو سيف إيمانك نصرها إو عادة ألأُم إبولدها =تفتخر وإنته فخرها يكفيك يا حيدر فخر = أمنك عله الكعبه إنتشر عگب الهُبل عرس الظفر = صبح منصوب إبظهرها ميطهر الكعبه إمن الهُبل چان إله إلما سجد مثلك للأوثان إو تكريمك براهين = تضحيتك يبو حسين روح التضحيات العالميه يا علي عگب الرسول= الباري خصك من عباده إو من أسرار البيت= بيها القلم سجلّك ولاده إو من أُجور التضحيات =إرزقك بالبيت الشهاده ساجد إبمحرابك طحت = وإبرحمة الباري فزت ويّه الرسول إتخلدت = أشهد إبربي شهاده وإحنه يا علي إنحبك چسبنه وإبدفتر رسول ألله إنكتبنه أشياع إو موالين = تضحيتك يبو حسين روح التضحيات العالميه