نخوة نخوة يا شفيعتنا رقية أخل بجاهچ على الله بمطلبي = لا تكسري خاطري ولا تعذبي كلنا نوصل كربلا نزور الأبي = نزور الحسين وعضيده يا شفيه كلنا مشتاقين والله الكربلا = كل شخص مطلبه وده يوصله سلوة حسين انتي وانتي مدللة = ندخل بجاهچ على الله يا رقية يا بنت الحسين محتار الفكر = اشكثر عدنا حوايج اشكثر يا رقية ما بقى عدنا صبر = سهلي علينا الحوايج يا زچية عدنه مراضى وبعد عدنا ديون = وعدنه ناس مسافرة وناس بسجون وعدنه محسودين صابتهم عيون = واللي اعظم صعب تعداده عليه كلنا نتمنى نطب بحضرتچ = ونحضى يا مولاتي احنا بخدمتچ بالقيامة ننتظرها وقفتچ = وبالشفاعة ندخل الجنة العلية

Testing
عرض القصيدة