الله سُبحانه او تعالى علاّ شانچ=او صرتي من بين البشر زهرة زمانچ هذه بضعه من گلب موسى بن جعفر=يالذي تنشد عليها اشرايد اكثر ياللي نورچ من مُحمّد واضح ابرَسْم الجبين يا شبيهة فاطمة او دُرّة أمير المؤمنين امْن الحسن علمچ تفجّر و المهابه امْن الحُسين و الخدر من زينب الحُرّه يحُرّه تورثين او فوگ كل هذه الفضايل من إله العالمين للحوائج صرتي باب الله مثل أم البنين اشگد حويتي من كرامات او فضايل=او هِمّتچ خذتيها من عمّچ بو فاضل هالمزايا ابفاطمه المعصومه تظهر=يالذي تنشد عليها اشرايد اكثر روضچ من عدها نشعر نور ربنا ينعكِس او صارت ابهالدنيا تضوي مثل ما تضوي الشمِس او بس نطب الصحنچ اتهيم ابعشگها كل نفِس ابعالم الدنيا نعم , لاچنها بالجنه تحِس او هذه حوْزات العلم من فيض علمچ تقتبِس او حتى أعلام المراجع صرتي تعطيها الدرس هالمراجع للعلم ندري منابع=لاچن انتي صرتي مرجع عالمراجع مو عجيبه او هذه حيدر جدها لكبْر=يالذي تنشد عليها اشرايد اكثر چم وسام امْن الأيّمه او چم فضيله حاصله او هُمّه شهدولچ يمعصومه ابعظيم المنزله و اشكثر حثّوْا على ازيارة ضريحچ و المله كلها تتمنى تكون الليله يمِّچ نازله او تعتني مشّايه ليچ او تگطع ادروب الفله او اتكرّر [ ابْقُم ] ذكريات الأربعين [ ابكربله ] كلها تتمنى تجي عد گبرچ ازحوف=و ابضريحچ هالمسيه تسعى و اتطوف او حتى أملاك السما عالگبه تفتر=يالذي تنشد عليها اشرايد اكثر منهو يالمعصومه مثلچ و ابمثل هذه حظه كلمن ايزورچ يحرّم ربنه جسمه اعلى اللظه ندري گبر الزهره مخفي او هذا إبرام القضا لاچن الزاير ابگبرچ الله راد ايعوّضه او لو نگول ابكل صفاتچ بس كلام او نفرضه يكفي فضلچ من نوَصْفِچ نحچي [هاي اخت الرضا ] يكفي فضلچ هذا للرايد يحاجج=إخته للسلطان او بِت باب الحوائج يعني من أشرف سلاله او أزكى و اطهر=يالذي تنشد عليها اشرايد اكثر خلصت اسنينچ يوسفه ابعيده عن دُور الأهل ابدار غربه يالغريبه او بيها وافاچ الأجل امْن المدينه ضعنچ ابلهفه لخراسان ارتحل حيث مرسال الرضا يمّچ يمعصومه وصل بيه يگلچ يختي بالله گصدي ليّه بالعجل گلبي ذاب ابفرگتچ و ابشوفتچ صار الأمل يالعزيزه و ابمقامچ عندي تدرين=آنه و انتي صرنا چن زينب و لحْسين ! امن العقيله بيها أوصاف اتكرّر=يالذي تنشد عليها اشرايد اكثر يا شفيعتنه الوجيهه باچر ابيوم المعاد واجب اعلينه المسيّه نعلن اعليچ الحداد او لا تظنين المُحب بس هوّه محزون الفؤاد أنا أجزم حتى أملاك السما لبْست سواد او حتى في موقف وفاتچ لچ فضل دون العباد الرضا ايصلي عليچ او يدفنچ بيده الجواد حُجّة اللّه يگطع ادروب البعيده=حتى جسمچ بالتراب ايدفنه بيده ! ابهالقضيّه معنى خل بيه انتفكر=امن العقيله بيها أوصاف اتكرّر

Testing
عرض القصيدة