يا عماد الأمه يا مذخورها=يا حصنها المانع او يا سورها يا ذخر عترة محمد يا نفِل=ياللي كل گومه او هَله راحو چتل ما انرحم منهم أحد حتى الطفل=البعده ما كمّل السته اشهورها لا بعد تترجّى بگْلوب القسَت=و الضغاين هالعليها اتكدسَت امْن " السقيفه" والخيانه اتأسست=و الظلمكم وقّعت دستورها من فدك و امر الخلافه الغصبته=وابْضِلع أمك يمَهدي الكسرته لعد "بن ملجم" او سيفه او ضربته=و الورَث من السقيفه اشفورها هالسقيفه اللي بدت باصْل العَمل=او بالخيانه أصبحَت مضرب مثل النوب اجت تمشي ابأثرها "أم الجمل"=من حزن حيدر تِبيْن اسرورها هذا طبْع " أميّه " يا روح الأمين=اشگد عليكم جارت ابمَرّ السنين بين سم المجتبى او چتل الحُسين=وانت ادرى ابحادثة عاشورها هاذي بصمة عار سجّلها " يزيد"=عد "هشام" او مثله باصمها "الوليد" و ابأثرهم ماضي جور اللا "رشيد"=او گبله ماضي ابهالأثر "منصورها " و من أذى " المأمون" جدك ينظلِم=و بعده ظلم "أم الفضل" و "المعتصِم" چم چبد منكم ابسمهم منخذِم؟=و چم لعين اللي قِبل بفْجورها ؟ يا بو صالح هالضغينه و الحقِد=حصة " المعتز " لجل " المعتمِد" بيه چبد عودَك او جدك ينمرِد=واحنا نشچي من ظلمها او جورها