يا خويه يا خويه = حين ارجعت لينه شو وحّدك يحسين = چا كافلي وينه ؟ جاوبني يا مظلوم= لا تخفي اعلينه وين الگمر عبّاس = بحْماته تدرينه لمّن سمعها احسين = تصرخ يحامينه سالت دمِعْته او گام = ضّم اخته بيدينه گلها يبَعْد اهلي = ريتچ تشوفينه يَمّ النهر ثاوي = او مگطوعه چفّينه يختي شِعَب گلبي = من شفته بوْنينه متألم ابسهم ال = نابت وسط عينه الرايه على اشماله = الجربه على ايمينه و المخ على التبربان = من ضربة اجبينه يختي او گبل موته = ما بيني او بينه بآخر نفس گلّي = اتعذّر من اسكينه (نعي) گلها عمّچ ابوسط المعاره راد ايوصّل اوياي اعتذاره ماي الجربه وي دمّه تجارى

Testing
عرض القصيدة