عــلــى مــصـاب الــزچيـه         نــــــون ونــــــه خــفــيـه
بگلــــــب ذاب وتــفــطــر         عــلــى الـضـلـع الـتـكـسر


بــعـد مــا غـمـض الـهـادي         الگوم انـــدارت الأشـــرار
ورادت تـــاخـــذ الــبـيـعـه         مــن حـيـدر عـلـي الـكرار
واضـــح والـخـبر مـعـروف         يــوم الـهجموا أعـله الـدار
انـكـسر لـلـزهره واتـهشم         ضـلـع بـالعصره والـبسمار

تــنــادي الــــحگ يــحـيـدر         عــلــى الـضـلـع الـتـكـسر


الگوم الــمـارعـوا حــرمـه         لـلـهـادي وعـلـيـها أتــلـوح
لــلـزهـره أجــــوا لــلــدار         بـهـذا الــدار مــا مـسموح
غـيـر الـوحي وأهـل الـبيت         مــحـد مــا يـجـي ويــروح
كـسـروا بــاب هــذا الـدار         وخــلـوهـا تــــون وتــنـوح

تــصــبــره شـــلــون تگدر         عــلــى الـضـلـع الـتـكـسر


بــعـد الـشـافـته الــزهـره         يــــوم الـهـجـمـوا أعـلـيـها
مــحـتـاره تــصـد بـالـعـين         تــريــد الــلــي يـحـامـيـها
وطـــه الـحـيـدر أمـوصـي         وصــيــه ومــلـتـزم بــيـهـا
چان بـلـحـظه يگدر هـــاي         كـــــــل الگوم يــفــنـيـهـا

ونـــــار الــبـيـهـا تــسـعـر         عــلــى الـضـلـع الـتـكـسر


حـزنـهـا الـمـحـد أيـحـمـله         بـصـبرها اتـحملته وحـسره
ونـار التسري وسط الروح         وتـسـعـر بـالگلـب جـمـره
على المحسن تصب ادموم         وتـنـحب فـاطـمه الـزهـره
الـنواصب طيحوا المحسن         وطـفـوا شـمـعته وعـمـره

بــحــزن گلــبــي تـمـرمـر         عــلــى الـضـلـع الـتـكـسر


بــعـد هـالـواقـعه الـزهـره         عـلـيـها كــثـرة الـلـوعـات
صـفت كـتلة حـزن والـنوح         مــيـفـارگهـا والــدمــعـات
مــا عـرفوا قـدرها الـناس         أذا هـــو الـضـمير و مــات
نـبـقـه بـهـل حــزن أحـنـه         ومـنـبـطل حــزن هـيـهات

ونــــنـــادي الله وأكـــبـــر         عــلــى الـضـلـع الـتـكـسر