گبــور ولــدك يـاعـلي         هــدمــوهـا يــاعــلـي


نـــفــس الــنـواصـب         يـحـيدر عــادوا الـكره
والـــحــرگوا الـــــدار         نفسهم بغضت الزهره
نـفـس الأيـادي يـحيدر         نـــفـــذت الــفــكـره
مـارادوا أتـصير مراقد         لا أســـــم حـــضــره

والــنـواصـب يـاعـلـي         أمــل خـايـب يـاعـلي


تبقه بحقدها النواصب         والامـــــــر صــــــادر
عــلـي جـــره وصــار         نـنـادي والگلـب حـاير
جـرحك يسجاد جرحنه         والــحــسـن صـــابــر
عــالــصـادق أنـــــوح         يـحيدر لـو على الباقر

والـمـصـيـبه يــاعـلـي         أشگد عـجـيبه يـاعـلي


جــــــرح الـمـصـيـبـه         يـحـيدر تـلـتهب نــاره
يــســعــر جــمــرهــا         بـالگلبنه وبـاقيه أثـاره
مــاتــدري هــالـنـاس         تــراهـي الـدنـيا دواره
كــــل گبــــر بــــاچر         نـحاسب نـطلب بثاره

بــالـبـقـيـع يــاعــلــي         مــايــضـيـع يــاعــلـي

وســـط الگلـــب نــار         يـحـيدر تـسـعر تـنادي
لــلــزهــره وتـــنــوح         حـزيـنه تـصيح يـولادي
يـسمع صـداها وحزنها         الــجــبـل والـــــوادي
ويـنـك يـبويه وتـشاهد         يــالــنـبـي الـــهـــادي

بـدمـع نـاحـت يـاعلي         وحـزن صـاحت ياعلي