مــوسـى شـطـلب وشــراد         نــمـشـي الــجـسـر بــغـداد
نــــــــــــلگه نــــعــــشـــه         وعـــــــــــده غــــبــــشـــه


واعـدهـم عـالـطلعه وصـرح         بـــاچر يـاشـيـعه تـحـضرون
بـــاچر والـمـوعـد بـالـجمعه         مــيـسـر الـخـاطـر تـــلگون
والــبـاري الــقـرر وبــوعـده         لازم كــلــكــم تــلــتـزمـون
لـو شـاهدتوا بنعشي أتكفلوا         أربـــع أشــخـاص ايـحـملون

ولـــن وعـــده بـــي أبــعـاد         نــمـشـي الــجـسـر بــغـداد


طـلـعـوا عـالـمـوعد وبـهـمه         وســيـوف الأحــقـاد اتــلـوح
واتـمـنـوا يـــلگون الـكـاظـم         عــايـش ويـقـدموله الــروح
لـكـن شـافـوا بــس جـنـازه         وبـنـصها الـكـاظم مـطـروح
وبـدمـعه وحـسـرات ولـوعه         تــبچي الـشـيعه وگام اتـنوح

ومـــــن فــعــلـة الـــجــلاد         نــمـشـي الــجـسـر بــغـداد


وانـذهـلوا مـن هـذا الـمنظر         مــن شـافوا حـال الـمظلوم
عـرفـوا راح الـمات بـسجنه         والچبـــد امگطــع مـسـموم
گامـت تـنعه الـشيعه وتنحب         والـدمـعات أتـصـبها ادمــوم
شـيـصبرها وتــبچي الـفگده         عـالـعاش بـغـربه ومـحـروم

يـــلـــه ونـــنـــول امـــــراد         نــمـشـي الــجـسـر بــغـداد


شـالوا نعشه أصحاب الغيره         لـلـكـاظم والـدنـيـا تـشـوف
مدري الناس اتطوف بنعشه         مـدري النعش البيها ايطوف
مدري اچفوف التحمل نعشه         مدري النعش العنده اچفوف
وصـاحوا راح الـخلص عـمره         يـنـهـي ويــأمـر بـالـمعروف

بــــس مـــن وره الأحــقـاد         نــمـشـي الــجـسـر بــغـداد


هــاي الـقصه وهـذا الـكاظم         ضــنـوا راح وظـــل أيـــدور
والـمـرقد شـاهـد عـالـمنظر         كــل مـتـشوفه أيـشـع بـنور
ومـن صـبره أتـعلمنا الحكمه         لــن صـبـر الـكـاظم دسـتور
والـسـائل والـيـطلب حـاجـه         يگصــــد لـلـمـرقد وأيـــزور

خــصـهـا ونــطــه الـمـيـعـاد         نــمـشـب الــجـسـر بــغـداد